హైదరాబాద్, జనవరి 23: కేంద్రీయ విశ్వవిద్యాలయంలో విద్యార్థులు చేపట్టిన ఆమరణ దీక్ష భగ్నమైంది. పరిశోధక విద్యార్థి రోహిత్ ఆత్మహత్య ఘటనపై న్యాయ విచారణ జరిపించాలని కోరుతూ విద్యార్థి సంఘాల జెఏసి ఆధ్వర్యంలో చేపట్టిన విద్యార్థుల ఆమరణ దీక్ష శనివారంతో ఐదోరోజుకు చేరింది. విద్యార్థులకు షుగర్ లెవెల్ తగ్గిపోయిందని, ఆరోగ్యం క్షీణించిందని వైద్య పరీక్షలు నిర్వహించిన వైద్యులు తెలిపారు.

హైదరాబాద్, జనవరి 23: బెంగళూరు శివార్లలో తలదాచుకుంటున్న కరడుగట్టిన గజ ఉగ్రవాది అస్ఘర్ స్థావరంపై తెలంగాణ పోలీసులు శనివారం దాడిచేసి అదుపులోకి తీసుకున్నారు. తెలంగాణ రాష్ట్ర కౌంటర్ ఇంటెలిజెన్స్ పోలీసులు పక్కా సమాచారంతో ఆపరేషన్ నిర్వహించారు. 2008 అహమ్మదాబాద్ పేలుళ్ల కేసులో కీలక సూత్రధారి అస్ఘర్ ఇండియన్ ముజాహిదీన్ సంస్థలో ప్రధాన పాత్ర పోషిస్తున్నారు.

హైదరాబాద్‌: హైదరాబాద్‌ నగరంలో త్వరలో జరగనున్న గ్రేటర్‌ ఎన్నికలకు సంబంధించి టీఆర్‌ఎస్‌ పార్టీ శనివారం 15 పేజీలతో కూడిన మేనిఫెస్టోను విడుదల చేసింది. తెలంగాణభవన్‌లో ఆపార్టీ నేతలు గ్రేటర్ ఎన్నికల మేనిఫెస్టోను విడుదల చేశారు. ఈ కార్యక్రమంలో రాష్ట్ర ఐటీ, పంచాయతీరాజ్‌శాఖ మంత్రి కేటీఆర్, ఎంపీ కేకే, డీఎస్ తదితరులు నేతలు పాల్గొన్నారు.

హైదరాబాద్, జనవరి 22: రాష్ట్రంలో వంతెనలు, టనె్నళ్ల నిర్మాణాలను 11 అంచెలుగా చేపట్టి 25 నెలల్లో పూర్తిచేస్తామని చైనా కంపెనీ ప్రతినిధులు ముందుకొచ్చారు. వారు శుక్రవారంనాడు ముఖ్యమంత్రి కెసిఆర్‌తో భేటీ అయ్యారు. తక్కువ వ్యయంతో, తక్కువ సమయంలో వీటిని పూర్తి చేసే వ్యూహాన్ని రూపొందిస్తున్నట్టు వెల్లడించారు.