హైదరాబాద్: ఎన్టీఆర్ వర్ధంతి సందర్భంగా సోమవారం టీడీపీ యువ నాయకుడు నారా లోకేష్‌,భువనేశ్వరి, బ్రాహ్మిణిలు ఎన్టీఆర్‌ ఘాట్‌లో నివాళులర్పించారు. ఎన్టీఆర్‌ ఘాట్‌లో కేంద్రమంత్రి సుజనాచౌదరి నివాళులర్పించారు. హైదరాబాద్ లోని ఎన్టీఆర్‌ ఘాట్‌ దగ్గర టీడీపీ నేత మాగంటి గోపినాథ్‌ ఆధ్వర్యంలో కార్యకర్తలు ధర్నాకు దిగారు.

కూచిపూడి, జనవరి 17: కృష్ణా జిల్లా మొవ్వ మండలం అయ్యంకి గ్రామంలో ఆదివారం పోలియో చుక్కల మందు వికటించి మూడు రోజుల పసికందు మృతి చెందింది. పల్స్‌పోలియో కార్యక్రమంలో భాగంగా ఆదివారం అయ్యంకి గ్రామంలో ఏర్పాటు చేసిన పోలియో కేంద్రం ద్వారా వైద్య, ఆరోగ్య శాఖ సిబ్బంది తమ బాబుకు పోలియో చుక్కలు వేసినట్లు పసికందు తల్లిదండ్రులు తెలిపారు. ఈ నెల 15న బండ్రెడ్డి కుమారి మొవ్వ పిహెచ్‌సిలో కుమారుడికి జన్మనిచ్చింది.

హైదరాబాద్, జనవరి 17 : ఆంధ్రప్రదేశ్ ప్రభుత్వం 2016-17 సంవత్సరానికి భారీ బడ్జెట్ ప్రతిపాదించేందుకు రంగం సిద్ధం చేస్తోంది. సిఎం చంద్రబాబు సూచనల మేరకు ఆర్థిక మంత్రి యనమల రామకృష్ణుడు ఆర్థిక శాఖ ముఖ్యకార్యదర్శి పివి రమేష్ తదితరులతో సమీక్షిస్తున్నారు. అన్నీ సవ్యంగా కొనసాగితే ఫిబ్రవరి రెండోవారం లేదా మూడోవారంలో అసెంబ్లీ సమావేశాల్లో బడ్జెట్‌ను సమర్పించేందుకు ఏర్పాట్లు చేస్తున్నారు.

విజయవాడ, జనవరి 17: రాష్ట్రంలో కరవుకు పాతరేసేందుకు నదుల అనుసంధానానికి శ్రీకారం చుట్టామని, ఎన్ని కష్టాలెదురైనా, ఆర్ధిక పరిస్థితి సహకరించకున్నా భగీరథ ప్రయత్నాన్ని ఆపేది లేదని ముఖ్యమంత్రి చంద్రబాబు స్పష్టం చేశారు. ఆంధ్రను కరువురహిత రాష్ట్రంగా తీర్చిదిద్దటమే తన ముందున్న లక్ష్యమన్నారు.