హైదరాబాద్, జనవరి 16: ఆంధ్రప్రదేశ్‌లో డ్వాక్రా సంఘాల అజమాయిషీలో ఇసుక వేలం పద్ధతికి ప్రభుత్వం స్వస్తి పలికింది. సరికొత్తగా ఇసుక రీచ్ వేలానికి రంగం సిద్ధం చేసింది. మూడు దశల్లో ఇసుక రేవుల వేలంపాట నిర్వహించాలని ప్రభుత్వం నిర్ణయించింది. క్యూబిక్ మీటర్‌కు 550 రూపాయిలు మించకుండా విక్రయాలు చేయనుంది. 550 రూపాయిల లోపు ఉండేలా విక్రయించాలని, అలాంటివారే ఈ-బిడ్డింగ్‌లో పాల్గొనాలని ప్రభుత్వం ఆదేశించింది.

హైదరాబాద్‌: గ్రేటర్‌ హైదరాబాద్‌ మున్సిపల్‌ కార్పొరేషన్‌ (జీహెచ్‌ఎంసీ)ఎన్నికలకు శనివారం ఒక్కరోజే 1003 నామినేషన్ పత్రాలు దాఖలయ్యాయి. తెరాస 277, భాజపా 93, తెదేపా 187, కాంగ్రెస్‌ 200, స్వతంత్ర అభ్యర్థులు 249 నామినేషన్ పత్రాలు సమర్పించారు. ఇప్పటి వరకు 1097 నామపత్రాలు దాఖలైనట్లు ఎన్నికల అధికారులు తెలిపారు.

హైదరాబాద్: గ్రేటర్ హైదరాబాద్ మున్సిపల్ కార్పొరేషన్ ఎన్నికల్లో బీజేపీ-టీడీపీల మధ్య ఎన్నికల పొత్తు కుదిరింది. ఈమేరకు రెండు పార్టీలు అవగాహనకు వచ్చాయి. గ్రేటర్ హైదరాబాద్ పరిధిలో మొత్తం 150 డివిజన్లు ఉండగా బీజేపీ 60 స్థానాల్లో, టీడీపీ 90 స్థానాల్లో పోటీ చేయనున్నాయి. రెండు పార్టీలు ఇవాళ తమ అభ్యర్థుల పేర్లను ప్రకటించనున్నాయి.

కోల్‌కతా : పశ్చిమబెంగాల్ రాష్ట్రంలోని కోల్‌కతాలో ఒకే కుటుంబానికి చెందిన ముగ్గురు దారుణ హత్యకు గురయ్యారు. పామ్‌ అవెన్యూ ప్రాంతంలోని ఓ ఇంట్లో ముగ్గురి మృతదేహాలను స్థానికులు గుర్తించారు. ఓ మహిళ, ఆమె ఇద్దరు కుమారులు వారి సొంతింట్లోనే నిర్జీవంగా పడి ఉండగా.. మహిళ భర్త తీవ్రంగా గాయపడ్డాడు. స్థానికులు అతన్ని ఆసుపత్రికి తరలించి, చికిత్స అందిస్తున్నారు.