న్యూఢిల్లీ, జనవరి 4: భారత్-పాక్ మధ్య మరో వారంలో జరగాల్సిన విదేశాంగ కార్యదర్శుల చర్చలు పూర్తిగా సందిగ్దంలో పడ్డాయి. చర్చలు జరిగే అవకాశం లేదన్న వాతావరణమే కనిపిస్తోంది. జైషె మహమ్మద్ ఇస్లామిక్ ఉగ్రవాదులు పఠాన్‌కోట్ వైమానిక స్థావరంపై దాడికి ఒడిగట్టినందుకు నిరసనగా బిజెపి సారథ్యంలోని ఎన్డీయే సర్కార్ ఈమేరకు నిర్ణయం తీసుకోవచ్చంటూ సంకేతాలు వ్యక్తమవుతున్నాయి.

గుంటూరు, జనవరి 4: కాల్వలు సమృద్ధిగావున్న ఆంధ్ర రాజధాని అమరావతి, విజయవాడ, తెనాలి ప్రాంతాలను ప్రపంచంలోనే నెంబర్‌వన్‌గా తీర్దిదిద్దే అవకాశం ఉందని సిఎం చంద్రబాబు అన్నారు. 3వ విడత జన్మభూమిలో భాగంగా సోమవారం తెనాలి గ్రామసభలో మాట్లాడారు. దుబాయ్, సింగపూర్ దేశాల్లో సముద్రాన్ని పూడ్చి నగరాలు నిర్మించారని, అయితే ఆంధ్ర రాజధాని అమరావతికి మంచినీటి కాలువలు చుట్టూ ఉన్నందున అద్భుత రాజధాని నిర్మించవచ్చన్నారు.

హైదరాబాద్, జనవరి 4: ఆంధ్రప్రదేశ్, తెలంగాణ రాష్ట్రాల్లోని వివిధ ప్రభుత్వ వర్శిటీల్లో ప్రొఫెసర్లు దాదాపు 90 శాతంమంది రెండేళ్లలో పదవీ విరమణ కానుండటం రెండు ప్రభుత్వాలను ఇరకాటంలో పెడుతోంది. తెలంగాణ వర్శిటీల్లో బోధన సిబ్బంది పదవీకాలం 60ఏళ్లు, కాగా ఆంధ్రలో వర్శిటీల్లో బోధన సిబ్బంది పదవీకాలం 62 ఏళ్లుగావుంది. తెలంగాణలో రాష్ట్ర ప్రభుత్వ ఉద్యోగుల పదవీ విరమణ 58 ఏళ్లు కాగా, ఆంధ్రలో 60 ఏళ్లుగా ఉంది.

హైదరాబాద్ :పాలమూరు ఎత్తిపోతల, పెన్‌గంగ్ ప్రాజెక్టుల ఎత్తిపోతల పథకాల పనుల టెండర్ల ప్రక్రియ రెండువారాల్లో పూర్తి చేయాలని సీఎం కేసీఆర్ అధికారులను ఆదేశించారు. ఆయన సోమవారం నీటిపారుదల ప్రాజెక్టులపై సమీక్ష నిర్వహించారు. జూన్‌నాటికి కాళేశ్వరం నుంచి ఎల్లంపల్లికి నీరు చేరాలని ఆదేశించారు.