హైదరాబాద్ : గ్రేటర్ హైదరాబాద్ లోక్‌సత్తా కమిటీ కార్యదర్శి గండవరపు వేణుగోపాలరావు సోమవారం టీఆర్‌ఎస్ పార్టీలో చేరారు. తెలంగాణ సీఎం కేసీఆర్ ఆయనకు గులాబీ కండువా కప్పి పార్టీలోకి ఆహ్వానించారు.

మహానంది: కర్నూలు జిల్లా మహానందిలోని శ్రీ కామేశ్వరి దేవి సహిత మహా నందీశ్వరుడి ఆలయాన్ని తెలుగు రాష్ట్రాల ప్రధాన ఎన్నికల అధికారి భన్వర్‌లాల్ సోమవారం ఉదయం కుటుంబ సమేతంగా దర్శించుకున్నారు. ఈ సందర్భంగా ఆయన స్వామివారికి ప్రత్యేక పూజలు నిర్వహించి అమ్మవారికి చీర బహుకరించారు.

విజయవాడ (ఇంద్రకీలాద్రి), జనవరి 3: ఇంద్రకీలాద్రిపై కొలువై ఉన్న ఆదిపరాశక్తి, శ్రీ జగన్మాత శ్రీకనకదుర్గమ్మ సన్నిధిలో ఆదివారం వేకువ జామున సుమారు లక్ష మంది భవానీలు భక్తిశ్రద్ధలతో దీక్ష విరమించారు. రెండు తెలుగు రాష్ట్రాల్లో దీక్ష స్వీకరించిన భవానీలు 41 రోజుల పాటు నియమనిష్ఠలతో ఆచరించి శనివారం రాత్రి నగరానికి చేరుకున్నారు.

హిందూపురం, జనవరి 3: ఆంధ్ర, కర్నాటక రాష్ట్రాల నడుమ ఆర్టీసీ బస్సుల పర్మిట్ల రగడ చినికి చినికి గాలివానలా తయారైంది. అంతర్రాష్ట్ర పర్మిట్ల కాలపరిమితి మునిగినా రెన్యూవల్ చేసుకోకుండా కెఎస్‌ఆర్‌టిసి బస్సులను నడపడం పసిగట్టిన అనంతపురం ఆర్డీఏ అధికారులు కర్నాటక అధికారులకు సూచించారు. అయితీ దీన్ని అవమానంగా భావించిన కర్నాటక అధికారులను ఆంధ్ర బస్సులను సరిహద్దులో నిలివేస్తున్నారు.