న్యూఢిల్లీ, సెప్టెంబర్ 12: ఆంధ్రప్రదేశ్‌లో ఏర్పాటు చేసిన నేషనల్ ఇనిస్టిట్యూట్ ఆఫ్ డిజైన్ (ఎన్‌ఐడీ)ను జాతీయ ప్రాముఖ్యత గల సంస్థగా గుర్తిస్తూ కేంద్ర మంత్రి మండలి ఆమోదం తెలిపింది. అలాగే నేషనల్ ఇనిస్టిట్యూట్ ఆఫ్ డిజైన్ విజయవాడ పేరును నేషనల్ ఇనిస్టిట్యూట్ ఆఫ్ డిజైన్ అమరావతిగా మారుస్తూ కేంద్ర మంత్రి మండలి నిర్ణయం తీసుకుంది.

హైదరాబాద్: కాంగ్రెసు సీనియర్ నేత రేవంత్‌రెడ్డిపై జూబ్లీహిల్స్ పోలీసులు కేసు నమోదు చేశారు. సీఆర్‌పీసీ 41 కింద నోటీసులు జారీ చేశారు. హౌసింగ్ సొసైటీకి చెందిన భూముల వ్యవహారంలో రేవంత రెడ్డిపై సొసైటీకి చెందిన వ్యక్తులు ఫిర్యాదు చేయడంతో ఆయనపై పోలీసులు కేసులు నమోదు చేవారు. కేసుకు సంబంధించి విచారించడానికి జూబ్లీహిల్స్ పోలీసు స్టేషన్‌కు రావాలని రేవంత్‌రెడ్డికి పోలీసులు సమాచారం ఇచ్చారు.

హైదరాబాద్, సెప్టెంబర్ 12: తెలంగాణ శాసనసభ ఎన్నికల నిర్వహణకు సంబంధించి రాష్ట్రంలో నెలకొన్న పరిస్థితిపై కేంద్ర ఎన్నికల కమిషన్ (సీఈసీ)కు తక్షణమే సమగ్ర నివేదిక సమర్పిస్తామని కేంద్ర ఎన్నికల అధికారుల బృందం ప్రకటించింది. సీఈసీ కార్యాలయంలో పనిచేస్తున్న సీనియర్ డిప్యూటీ కమిషనర్ ఉమేష్ సిన్హా నేతృత్వంలో 10 మందితో కూడిన బృందం మంగళవారం హైదరాబాద్ వచ్చింది.

హైదరాబాద్: తెలంగాణలో ముందస్తు ఎన్నికల నిర్వహణ కోసం సీఈసీ బృందం కలెక్టర్లు, ఎస్పీలతో సమావేశం నిర్వహించారు. కాగా ఈ సమావేశానికి కొంతమంది అధికారులు ఆలస్యంగా రావటంపై సీఎస్ ఆగ్రహం వ్యక్తంచేశారు. రాష్ట్ర ఎన్నికల ప్రధాన అధికారి రజత్‌కుమార్‌తో పాటు ఎన్నికల సంఘం అధికారులు సైతం పాల్గొన్నారు.