భూదాన్ పోచంపల్లి, సెప్టెంబర్ 10: యాదాద్రి భువనగిరి జిల్లా భూదాన్ పోచంపల్లి మండలం కనుముక్కల గ్రామంలో చేనేత పార్కులో 25మీటర్ల పొడువు గల చేనేత శాలువను కళాకారులు నెల రోజుల పాటు శ్రమించి కళాత్మకంగా రూపొందించారు. హైద్రాబాద్ ఖైరాతాబాద్‌లోని ప్రతిష్ఠించే భారీ వినాయకుడికి చేనేత శాలువను సమర్పించేందుకు పార్క్ యాజమాన్యం ఈ శాలువను పంపించనున్నారు.

హైదరాబాద్, సెప్టెంబర్ 10: పెట్రోలు, డీజీలు ధరల పెరుగుదలకు వ్యతిరేకంగా ఏఐసీసీ ఇచ్చిన భారత్ బంద్ సోమవారం తెలంగాణలో విజయవంతమైంది. కాంగ్రెస్ సారధ్యంలో జరిగిన బంద్‌కు టీడీపీ, వామపక్షాలు మద్దతు ప్రకటించాయి. నాయకులు, కార్యకర్తలు ఉదయమే పార్టీ జెండాలు చేబూని రోడ్లపైకి వచ్చారు. కేంద్ర, రాష్ట్ర ప్రభుత్వాలకు వ్యతిరేకంగా నినాదాలు చేశారు. బైక్ ర్యాలీలు నిర్వహిస్తూ దుకాణాలను మూయించారు.

హైదరాబాద్, సెప్టెంబర్ 10: అభ్యర్థుల ఖరారుతో టీఆర్‌ఎస్ పార్టీలో రేగిన ఎగిసిన అసంతృప్తి సెగలను ఆర్పడానికి పార్టీ అధిష్టానం రంగంలోకి దిగింది. టికెట్ ఆశించి భంగపడిన నేతలను ఒకోక్కరిని స్వయంగా పిలిపించుకుని చర్చించే బాధ్యతను మంత్రి కేటీఆర్‌కు పార్టీ అధినేత కేసీఆర్ అప్పగించారు.

విజయవాడ, సెప్టెంబర్ 10: నాలుగున్నర సంవత్సరాల నరేంద్ర మోదీ పాలనలో రూ. 11.50 లక్షల కోట్లు ప్రభుత్వం దోచుకుందని, ఇది పబ్లిక్ దోపిడీ అని ఆంధ్రప్రదేశ్ కాంగ్రెస్ కమిటీ అధ్యక్షుడు డాక్టర్ ఎన్ రఘువీరారెడ్డి ధ్వజమెత్తారు. పెట్రోల్, డీజిల్, గ్యాస్ ధరల పెంపునకు నిరసనగా జరిగిన భారత్ బంద్‌ను ఆంధ్రప్రదేశ్ కాంగ్రెస్ కమిటీ ఆధ్వర్యంలో సోమవారం ఉదయం 8 గంటలకు విజయవాడలో రఘువీరారెడ్డి ప్రారంభించారు.