శ్రీశైలం ప్రాజెక్టు, ఆగస్టు 18: కృష్ణా నది ఎగువ ప్రాంతం నుండి భారీగా వరద నీరు రావడంతో శ్రీశైలం జలాశయం నుండి శనివారం నీటిని దిగువకు విడుదల చేశారు. ఆంధ్రప్రదేశ్ నీటి పారుదల శాఖ మంత్రి ఉమా మహేశ్వ ర్‌రావు శనివారం ఉదయం 8 గంటల 30 నిమిషాలకు డ్యామ్ వద్ద పూజలు చేసి నాలుగు గేట్ల ద్వారా దిగువన ఉన్న నాగర్జునసాగర్‌కు నీటిని విడుదల చేశారు.

హైదరాబాద్, ఆగస్టు 18: దేశంలో మెడికల్, డెంటల్ కాలేజీల్లో యూజీ ప్రవేశానికి నీట్ - యూజీ 2019 నిర్వహణ బాధ్యతను నేషనల్ టెస్టింగ్ ఏజన్సీకి అప్పగించినా, వివాదాలు మాత్రం వీడలేదు. గత ఏడేళ్ల నుండి అనేక వివాదాలతో సతమతమవుతున్న నీట్ నిర్వహణను ప్రత్యేకించి జాతీయ స్థాయి సంస్థ నేషనల్ టెస్టింగ్ ఏజన్సీ (ఎన్‌టీఏ)కి కేంద్ర మానవ వనరుల మంత్రిత్వశాఖ అప్పగించిన విషయం తెలిసిందే.

విశాఖ: ఆంధ్రవిశ్వవిద్యాలయంలో మంత్రి గంటా శ్రీనివాసరావు ఏపీ సెట్‌-2018 ఫలితాలను విడుదల చేశారు. ఈ పరీక్షలో 2,481 మంది విద్యార్థులు ఉత్తీర్ణత సాధించినట్లు తెలిపారు. అంతకుముందు యూరోపియన్‌ యూనియన్‌ ఫిల్మ్‌ ఫెస్టివల్‌ పోస్టర్‌ను మంత్రి గంటా విడుదల చేశారు.

విజయవాడ: మాజీ కాంగ్రెస్ ఎంపీ, సామాజిక కార్యకర్త చెన్నుపాటి విద్య శనివారం తెల్లవారు జామున హఠాన్మరణం చెందారు. గత కొంత కాలం నుంచి ఆమె అనారోగ్యంతో బాధపడుతున్నారు. ప్రసిద్ధి సంఘ సంస్కర్త గోపరాజు రామచంద్రరావు(గోరా) కుమార్తె. 84 సంవత్సరాల వయసున్న విద్య కాంగ్రెస్ పార్టీ తరపున ఆమె రెండుసార్లు ఎంపీగా గెలిచారు. వాసవ్య మహిళామండలిని స్థాపించి మహిళలు, పిల్లలుకు సేవాకార్యక్రమాలు అందించారు.