విజయవాడ, జూలై 23: ప్రతిపక్ష నేత జగన్, జనసేన అధినేత పవన్ రాజకీయ బఫూన్లని, వారికి రాష్ట్ర ప్రయోజనాల కంటే స్వప్రయోజనాలే ముఖ్యమని రాష్ట్ర ఎస్సీ కార్పొరేషన్ చైర్మన్ జూపూడి ప్రభాకర్ మండిపడ్డారు. వెలగపూడి సచివాలయంలో సోమవారం ఆయన మీడియాతో మాట్లాడుతూ తనకు రాజ్యసభ సభ్యత్వం ఇస్తామని టీడీపీ మోసం చేసిందని పవన్ కళ్యాణ్ అనడం హాస్యాస్పదంగా ఉందన్నారు.

కొత్తగూడెం, జూలై 23: రానున్న ఎన్నికల్లో తెలంగాణ రాష్ట్రంలోని అన్ని సీట్లకు ఒంటరిగా పోటీచేస్తామని తెలంగాణ జనసమితి (టీజేఎస్) అధ్యక్షులు ప్రొఫెసర్ కోదండరాం అన్నారు. అభ్యర్థులను ముందుగా ప్రకటించడంతో పాటు సమర్థులకు ప్రాధాన్యత ఇస్తామని తెలిపారు. ప్రజాసమస్యల పరిష్కారం కోసం అన్ని రాజకీయ పార్టీలతో కలిసి పోరాటం చేస్తామని ప్రకటించారు.

చిన్నగొట్టిగల్లు, జూలై 23: అడివి పందుల బారి నుంచి వేరుశనగ పంటను రక్షించుకోవడానికి వెళ్లిన ఓ యువ రైతు గజరాజుల బారిన పడి మృతి చెందిన సంఘటన సోమవారం తెల్లవారు జామున చిత్తూరు జిల్లాలో జరిగింది. ఎర్రావారి పాల్యెం, కొటకాడి పల్లికి చెందిన రైతు వెంకటయ్య (42) ఆదివారం రాత్రి తన పొలంలో కాపలాకు వెళ్లి నిద్రించారు.

హైదరాబాద్, జూలై 23: రాష్ట్రంలో గోదావరి, కృష్ణా నదులు నిండు కుండల్లా కనిపిస్తున్నాయి. మొదట గోదావరి ప్రాజెక్టులకు జలకళ సంతరించుకోగా ప్రస్తుతం కృష్ణా ప్రాజెక్టులు వరద ప్రవాహంతో ఉరకలు వేస్తోన్నాయి. గత ఏడాది కంటే ఈ ఏడాది ముందుగానే ప్రాజెక్టుల్లోకి నీరు వచ్చి చేరింది. దీంతో ప్రాజెక్టుల కింద పూర్తి ఆయకట్టు సాగులోకి వస్తుందని రైతన్నలు సంబరపడుతున్నారు.