తిరుపతి: ఏపీకి ప్రత్యేక హోదా ఇవ్వాలని డిమాండ్ చేస్తూ పద్మావతిపురం వద్ద వామపక్షాల ఆధ్వర్యంలో రాస్తారోకో జరిగింది. కార్యకర్తలు వాహనాలను నిలిపివేశారు. సీపీఐ కార్యదర్శి రామకృష్ణ కేంద్ర ప్రభుత్వ తీరుపై మండిపడ్డారు. మండిపడ్డారు. తిరుపతిలోని పద్మావతిపురం వద్ద వామపక్షాల ఆధ్వర్యంలో నిర్వహించిన రాస్తారోకోలో సీపీఎం జాతీయ కార్యవర్గ సభ్యులు శ్రీనివాసరావుతో కలిసి ఆయన పాల్గొన్నారు.

అమరావతి: రేపటి నుంచి పోతిరెడ్డిపాడు ద్వారా రాయలసీమకు నీళ్లు విడుదల చేస్తామని ముఖ్యమంత్రి చంద్రబాబు నాయుడు తెలిపారు. శ్రీశైలం నుంచి రాయలసీమకు నీళ్లిస్తామన్నారు. గోదావరిలో ఇప్పటికే 419 టీఎంసీలు సముద్రంలో కలిసిందని, మరో పదిరోజుల్లో శ్రీశైలం రిజర్వాయర్ నిండుతుందన్నారు.

విశాఖపట్నం, జూలై 22: రాష్ట్రానికి ప్రత్యేక హోదా, విభజన హామీల అమలు విషయంలో కేంద్ర వైఖరికి నిరసనగా టీడీపీ ప్రవేశపెట్టిన అవిశ్వాస తీర్మానంలో నైతిక విజయం మాకే దక్కిందని రాష్ట్ర మంత్రి గంటా శ్రీనివాసరావు అన్నారు. విశాఖలో పార్టీ కార్యాలయంలో ఆదివారం ఏర్పాటు చేసిన విలేఖరుల సమావేశంలో ఆయన మాట్లాడారు.

కాకినాడ, జూలై 22: ప్రతిపక్ష నేత వైఎస్ జగన్మోహన్‌రెడ్డి 218 రోజు ప్రజాసంకల్ప యాత్ర ఆదివారం ఉదయం జిల్లా కేంద్రం కాకినాడ నగరంలోని అచ్చంపేట నుండి భారీ జన సందోహం మధ్య ప్రారంభమయ్యింది. అచ్చంపేట జంక్షన్ శిబిరంలో జగన్‌ను కలిసేందుకు వివిధ వర్గాల ప్రజలు పోటెత్తారు. అచ్చంపేట, గొంచర్ల, బ్రహ్మానందపురం, పి వేమవరం క్రాస్ మీదుగా ఉండూరు శివా రు వరకు పాదయాత్ర కొనసాగింది.