హైదరాబాద్: అన్ని గ్రామ పంచాయతీలకు పంచాయతీ కార్యదర్శులను నియమించనున్నట్టు ముఖ్యమంత్రి కల్వకుంట్ల చంద్రశేఖర్‌రావు ప్రకటించారు. ఇప్పటికే పని చేస్తోన్న పంచాయతీ కార్శదర్శులకు అదనంగా 9,200 మంది కార్శదర్శులను నియమిస్తామని సీఎం అన్నారు. ఈ ప్రక్రియను వారం రోజుల్లో ప్రారంభించి రెండు నెలల్లో పూర్తి చేయాలని అధికారులను సీఎం ఆదేశించారు.

మహబూబ్‌నగర్, జూలై 22: కృష్ణానది పరవళ్లు తొక్కుతోంది. ఆల్మట్టి, నారాయణపూర్ ప్రాజెక్టుల ద్వారా వస్తున్న వరద యథాతథంగా జూరాల ప్రాజెక్టులోకి వస్తోంది. దాదాపు 1.85 లక్షల క్యూసెక్కుల వరద అధికార వర్గాల సమాచారం. దీంతో రెండు రోజుల నుండి జూరాల ప్రాజెక్టు 15 గేట్లను ఎత్తివేసి దిగువ ఉన్న శ్రీశైలం ప్రాజెక్టులోకి నీటిని నిరంతరాయంగా వదులుతున్నారు.

విజయవాడ: ఆంధ్రప్రదేశ్ ప్రయోజనాలను కాపాడుకోవటంలో అధికారపక్ష తెలుగుదేశంతో పాటు ప్రతిపక్షాలు కూడా బాధ్యతాయుతంగా వ్యవహరించడం లేదని మాజీ మంత్రి డాక్టర్ దగ్గుబాటి వెంకటేశ్వరరావు అన్నారు. ప్రస్తుతం తాను రాజకీయాలకు దూరంగా ఉన్నానని, ఒక పార్టీని ద్వేషించాలని కాని, మరో పార్టీని ప్రశంసించాలనే ఆలోచన తనకు లేదన్నారు. అయితే సమజానికి చెడు జరుగుతుందంటే గొంతు వినిపించాలన్నదే తన అభిమతమన్నారు.

అమరావతి, జూలై 22: రాష్ట్రంలో రానున్నకాలంలో విద్యుత్ వినియోగం మరింత పెరుగుతుందని, భవిష్యత్ అవసరాల దృష్ట్యా విద్యుత్ స్థాపిత సామర్థ్యాన్ని పెంచేందుకు నిర్దిష్ట కార్యాచరణ సిద్ధం చేయాలని ముఖ్యమంత్రి చంద్రబాబు అధికారులను ఆదేశించారు. రాష్ట్ర ఆర్థిక వ్యవస్థ పెరుగుదలకు అనుగుణంగా విద్యుత్ అవసరాలు కూడా పెరిగే అవకాశాలు ఉన్నాయన్నారు.