హైదరాబాద్, జూలై 11: శ్రీపీఠం పీఠాధిపతి స్వామి పరిపూర్ణానందకు ఆరు నెలల పాటు నగర బహిష్కరణ విధిస్తూ హైదరాబాద్ పోలీసులు ఆదేశాలు జారీ చేశారు. కొన్ని సందర్భాల్లో అభ్యంతరకర వ్యాఖ్యలు చేశారని, అవి శాంతిభద్రతలకు విఘాతం కలిగించేలా ఉన్నందున చట్ట ప్రకారం నగర బహిష్కరణ చేసినట్లు నగర పోలీసులు స్పష్టం చేశారు.

హైదరాబాద్, జూలై 11: ఎమ్సెట్ పేపర్ లీక్ వ్యవహారంలో సిఐడీ అధికారులు తవ్విన కొద్దీ అక్రమాలు వెలుగుచూస్తున్నాయి. లీక్ వ్యవహారంలో వాసుబాబులు చాలా మంది ఉండొచ్చని భావిస్తున్నారు. అంతేగాక, వాసుబాబు 2016 పేపర్‌తో పాటు అంతకు ముందు జరిగిన ఎమ్సెట్ పేపర్లను సైతం లీక్ చేశారా అనే అంశాన్ని కూడా విచారిస్తున్నారు.

హైదరాబాద్, జూలై 11: పంచాయతీ ఎన్నికల్లో బీసీ, ఎస్టీ, ఎస్సీలకు 61 శాతం రిజర్వేషన్లు కల్పించాలన్న ప్రభుత్వ నిర్ణయంలో మార్పులేదని, ఇందుకు అనుమతి ఇవ్వాలని కోరుతూ సుప్రీం కోర్టుకు వెళతామని ప్రభుత్వం ప్రకటించింది. పంచాయతీ ఎన్నికల్లో రిజర్వేషన్లు 50 శాతం మించకుండా చూడాలంటూ రాష్ట్ర హైకోర్టు సోమవారం ఇచ్చిన మధ్యంతర ఉత్తర్వులపై మంత్రివర్గ ఉపసంఘం సచివాలయంలో బుధవారం వివరంగా చర్చించింది.

విజయవాడ: నాణ్యమైన భోజనాన్ని ఐదు రూపాయలకు అందించటమే అన్న క్యాంటీన్ల లక్ష్యమని ముఖ్యమంత్రి చంద్రబాబునాయుడు అన్నారు. ఆయన బుధవారం విజయవాడలో అన్నక్యాంటీన్లను ప్రారంభించారు. ప్రతి క్యాంటీన్ వద్ద 300 మందికి భోజనాలు అందించే ఏర్పాట్లు చేశామని అన్నారు. అనంతరం ప్రజలతో కలిసి భోజనం చేశారు.