విశాఖపట్నం, జూన్ 28: రాష్ట్ర విభజన తరువాత ఆంధ్రప్రదేశ్‌లో పూర్తిగా నిర్వీర్యమైపోయిన కాంగ్రెస్ పార్టీలో మళ్లీ కొత్త ఆశలు చిగురిస్తున్నాయి. రాష్ట్రంలోని అన్ని పార్టీల ఆమోదంతోనే కాంగ్రెస్ పార్టీ రాష్ట్రాన్ని విభజించినా, ఆ నేరాన్ని కాంగ్రెస్ పార్టీ ఒక్కటే మోయాల్సి వచ్చింది. ఆ కోపాన్ని 2014 ఎన్నికల్లో ఓటర్లు కాంగ్రెస్ పార్టీపై చూపించారు. రాష్ట్రంలో కనీసం ఒక్క సీటు కూడా రాకుండా చేశారు.

హైదరాబాద్: మాదాపూర్‌లోని మీలాంజ్ టవర్‌లో ఉన్న ప్రైమ్ ఎరా అనే కంపెనీలో శ్రావణి(27) సాఫ్ట్‌వేర్ ఇంజినీర్‌గా పనిచేస్తున్నది. ఇవాళ ఉదయం ఆఫీసుకు చేరుకున్న శ్రావణి తన ఆఫీస్ 9వ అంతస్థుపైకి ఎక్కి అక్కడి నుంచి దూకింది. దీంతో శ్రావణి అక్కడికక్కడే మృతి చెందింది. పోలీసులు మృతదేహాన్ని ఉస్మానియాకు తరలించారు. శ్రావణి ఆత్మహత్యకు గల కారణాలు తెలియాల్సి ఉంది.

విజయవాడ: కనక దుర్గమ్మకు తెలగాణ సీఎం కేసీఆర్ మొక్కు చెల్లించుకున్నారు. కుటుంబ సమేతంగా ఆలయానికి చేరుకున్న కేసీఆర్‌కు ఆలయ అధికారులు పూర్ణకుంభంతో ఆలయ అర్చకులు స్వాగతం పలికారు. అమ్మవారికి పట్టు వస్త్రాలు, ముక్కు పుడక సమర్పించారు. తెలంగాణ రాష్ట్రం ఏర్పడ్డాక దుర్గమ్మకు ముక్కు పుడక సమర్పిస్తానని కేసీఆర్ మొక్కుకున్న విషయం తెలిసిందే.

హైదరాబాద్ : ఎస్‌ఆర్ నగర్ పోలీసు స్టేషన్ పరిధిలోని ఎల్లారెడ్డిగూడెంలో తల్లిని.. తనయుడే గొంతు నులిమి హత్య చేసిన ఘటన వెలుగుచూసింది. తల్లి మమత(39) చేసిన చిట్టీల వ్యాపారంలో నష్టాలు వచ్చాయనే ఆగ్రహంతో కుమారుడు మదన్(22) ఆమెను హత్య చేశాడు. తల్లిని హత్య చేసిన అనంతరం పోలీసుల ఎదుట మదన్ లొంగిపోయాడు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.