అమరావతి, జూన్ 24: రాష్టవ్య్రాప్తంగా ప్రతి ఇంటినీ ఇకపై ఎల్‌ఈడీ వెలుగులతో నింపాలని ప్రభుత్వం నిర్ణయించింది. అంతేకాకుండా గ్రామాల్లో ప్రతి మూడిళ్లకు ఒక ఎల్‌ఈడీ వీధిదీపాన్ని వంద అడుగుల దూరంలో ఏర్పాటు చేయాలని ముఖ్యమంత్రి చంద్రబాబు అధికారులను ఆదేశించారు. రెండోదశలో 10లక్షల ఎల్‌ఈడీ వీధిదీపాలు పంపిణీ చేయాలని నిర్దేశించారు. గ్రామీణ ప్రజల జీవన ప్రమాణాలను పెంచటంలో ఎల్‌ఈడీ కీలక పాత్ర వహిస్తుందన్నారు.

విశాఖపట్నం, జూన్ 23: మలబార్ -18 ఎక్సర్‌సైజ్ ముగించుకుని ఇండోనేషియాకు తూర్పు నౌకాదళం (ఈఎన్‌సీ) యుద్ధ నౌకలు పయనమయ్యాయి. ఈఎన్‌సీకి చెందిన ఐఎన్‌ఎస్ శక్తి, ఐఎన్‌ఎస్ కమోర్తా ఇండోనేషియాలోని మకస్సర్ పోర్టుకు చేరుకున్నాయి. భారత్ యాక్ట్ ఈస్ట్ పాలసీలో భాగంగా భారత నౌకాదళం వివిధ దేశాల నౌకాదళాలతో సత్సంబంధాలు కొనసాగిస్తోంది.

రాజోలు, జూన్ 23: తూర్పుగోదావరి జిల్లా రాజోలు మండలంలో వైసీపీ రాష్ట్ర అధ్యక్షుడు వైఎస్ జగన్‌మోహన్‌రెడ్డి చేపట్టిన ప్రజా సంకల్ప యాత్రకు శనివారం ఉదయం కురిసిన వర్షం ఆటంకం సృష్టించింది. దీంతో ఆయన పాదయాత్రలో పాల్గొనడానికి వచ్చిన వేదాది మంది కార్యకర్తలు, నాయకులు తీవ్ర నిరాశకు గురయ్యారు. శుక్రవారం రాత్రి హైదరాబాద్ నుండి తిరిగి వచ్చిన జగన్ రాజోలులోని చింతపల్లి శిబిరంలో బసచేసారు.

హైదరాబాద్, జూన్ 23: ఇంజనీరింగ్ కాలేజీల్లో యూజీ, పీజీ సీట్లను కన్వీనర్ కోటాలో కేటాయించినట్టే మెరిట్ ఆధారంగానే యాజమాన్య కోటా, ఎన్‌ఆర్‌ఐ కోటాలోనూ భర్తీ చేయాలని స్పష్టమైన ఆదేశాలు ఉన్నప్పటికీ అవి కాగితాలకే పరిమితమవుతున్నాయి. పలుకుబడి ఉన్న కాలేజీలు రూల్స్‌ను తోసిరాజని ఇష్టారాజ్యంగా సీట్లను భర్తీ చేస్తున్నా, పట్టించుకునే నాధుడే లేడు.