హైదరాబాద్, జూన్ 7: గత ప్రభుత్వాల హయాంలో 60 ఏళ్లలో 20 లక్షల ఎకరాలకు సాగునీరు అందిస్తే తాము ఐదేళ్ల పాలనలోనే 20 లక్షల ఎకరాలకు సాగునీరు అందించబోతున్నామని నీటిపారుదలశాఖ మంత్రి తన్నీరు హరీశ్‌రావు అన్నారు. నాలుగేళ్ల వ్యవధిలో పది లక్షల ఎకరాలకు సాగునీరు ఇచ్చామని, వచ్చే ఏడాది మరో 10 లక్షల ఎకరాలకు సాగునీరు అందించేలా ప్రాజెక్టుల నిర్మాణం జరుగుతోందన్నారు.

మదనపల్లె, జూన్ 7:ప్రధాని నరేంద్రమోదీ ఎన్నికల ప్రచార సమయంలో తిరుపతి వెంకన్నపాదాల సాక్షిగా ఏపీకి ప్రత్యేక హోదా ఇస్తామని చెప్పి మోసంచేసి నమ్మకద్రోహానికి పాల్పడ్డారని రాష్ట్ర ముఖ్యమంత్రి చంద్రబాబునాయుడు కేంద్రంపై నిప్పులు చెరిగారు. నవ నిర్మాణ దీక్షలో భాగంగా నవోదయ విద్యాలయ ప్రాంగణంలో జరిగిన బహిరంగసభలో చంద్రబాబు మాట్లాడారు. వర్షం పడుతున్నా కదలకుండా వేలాది మంది జనం ఆయన ప్రసంగం విన్నారు.

పాడేరు, జూన్ 7: రాష్ట్రంలోని ఖనిజ సంపదను దోచుకునేందుకు కేంద్ర ప్రభుత్వం తీసుకువచ్చిన నూతన భూ సేకరణ చట్టంపై ముఖ్యమంత్రి చంద్రబాబు ఎందుకు నోరు మెదపడం లేదని జనసేన పార్టీ అధినేత పవన్ కల్యాణ్ ప్రశ్నించారు. విశాఖ జిల్లా పాడేరులో గురువారం నిర్వహించిన బహిరంగ సభలో ఆయన ప్రసంగిస్తూ కేంద్రం అమలులోకి తెచ్చిన నూతన భూ సేకరణ చట్టం ప్రకారం ఖనిజ సంపదను అడ్డగోలుగా దోచుకునే అవకాశం ఉందన్నారు.

హైదరాబాద్‌: 2019లో అధికారంలోకి వస్తామనుకోవడం కాంగ్రెస్‌కు కలగా, ఓ భ్రమగానే ఉంటుందని డిప్యూటీ సీఎం కడియం శ్రీహరి విమర్శించారు. గురువారం ఆయన సచివాలయంలో ఉపాధ్యాయ బదిలీలపై రూపొందించిన వెబ్‌సైట్‌ను ప్రారంభించారు. ఈ సందర్భంగా కడియం మాట్లాడుతూ తెలంగాణ రాష్ట్రాభివృద్ధికి, ప్రజల అభ్యున్నతి కోసం నిర్మాణాత్మక సూచనలు ఇచ్చి ప్రధాన ప్రతిపక్షం పరిణితితో వ్యవహరించాలని సూచించారు.