హైదరాబాద్, మే 22: నాలుగు రాష్ట్రాలకు సాగు, తాగు నీరు అందిస్తున్న కృష్ణానది పునర్జీవనానికి తొలి అడుగు పడింది. కబ్జాలు, కాలుష్యాకారకాలతో నిండిపోతున్న కృష్ణానదిని సజీవంగా ఉంచుకుందాం అనే నినాదంతో తెలంగాణ జల వనరుల అభివృద్ధి సంస్థ, నేషనల్ వాటర్ కౌన్సిల్ ఆధ్వర్యంలో నగరంలో ‘కృష్ణానది పునర్జీవనం’ అనే అంశంపై జాతీయ స్థాయి సదస్సును నిర్వహించారు.

న్యూఢిల్లీ, మే 22: వాయు కాలుష్యం వల్ల దేశంలో అకాల మృత్యువు బారినపడే వారి సంఖ్య పెరిగింది. వాయు కాలుష్యం ప్రభావంపై ఢిల్లీ ఐఐటి సర్వే నిర్వహించింది. సెంటర్ ఫర్ ఎన్విరాన్‌మెంట్ అండ్ ఎనర్జీ డెవలప్‌మెంట్ (సీడ్) సహకారంతో ‘మీ శ్వాస గురించి తెలుసుకోండి’ అనే కానె్సప్ట్‌పై ఢిల్లీ ఐఐటి విద్యార్థులు సర్వే నిర్వహించారు. ఉత్తరప్రదేశ్, బీహార్, జార్కాండ్ రాష్ట్రాల్లో ఈ సర్వే జరిగింది.

తిరుపతి, మే 22: తిరుమలలో భక్తుల రద్దీ మంగళవారం నాడు కొనసాగుతోంది. సర్వదర్శనానికి 50గంటల సమయం పడుతోంది. కాగా భక్తులు హుండీలో సమర్పించిన కానుకల ద్వారా 2.82కోట్లు ఆదాయం లభించింది. అలాగే ఎస్వీ అన్నప్రసాదం ట్రస్ట్‌కు 24.30లక్షల రూపాయలు భక్తులు విరాళంగా ఇచ్చారు. కాగా సాయంత్రం ఏడుగంటల వరకు 54,140మంది స్వామివారిని దర్శించుకున్నారు.

కోజికోడ్ (కేరళ), మే 22: దక్షిణాది రాష్ట్రం కేరళను నిపా వైరస్ వణికిస్తోంది. రాష్ట్రంలోని కోజిక్కోడ్, మలప్పురం జిల్లాల్లో ఇప్పటివరకు ఈ వైరస్ బారిన పడి 10 మంది మరణించారు. చికిత్స పొందుతున్న మరో ఇద్దరి పరిస్థితి విషమంగా ఉన్నదని కేరళ ఆరోగ్య శాఖ మంత్రి కె.కె. శైలజ మంగళవారం వెల్లడించారు. ఈ సరికొత్త వైరస్ సమాచారాన్ని ప్రపంచ ఆరోగ్య సంస్థ (డబ్ల్యుహెచ్‌ఓ)కు తెలియపరచినట్లు ఆమె విలేఖరులకు చెప్పారు.