పలాస, మే 21: బీల ఉద్యమానికి జనసేన పార్టీ చివరివరకు అండగా ఉంటుందని ఆ పార్టీ అధినేత పవన్‌కల్యాణ్ బీల ఉద్యమకారులకు భరోసా ఇచ్చారు. బస్సు యాత్రలో భాగంగా సోమవారం ఇచ్ఛాపురం నుంచి సోంపేట మీదుగా బీలకు చేరుకొని బీలలో ఏర్పాటు చేసిన అమరుల స్థూపం వద్ద ఉద్వేగభరితంగా ప్రసంగించారు. శ్రీకాకుళం జిల్లా, సోంపేట బీలలో థర్మల్ జీవోను రద్దు చేసి ఆక్వా పరిశ్రమల పేరుతో కొత్తగా చెరువుల తవ్వకాలను ఆయన దుయ్యబట్టారు.

బాలాసోర్ (ఒడిశా), మే 21: భారత్-రష్యా సంయుక్త ప్రాజెక్టుగా అత్యాధునిక ఫీచర్లతో రూపొందించిన బ్రహ్మోస్ సూపర్ సోనిక్ క్రూయిజ్ క్షిపణిని ఓడిశా తీరం నుంచి భారత్ విజయవంతంగా పరీక్షించింది. చండీపూర్‌కు సమీపంలోని బాలాసోర్ ఇంటిగ్రేటెడ్ టెస్ట్ రేంజ్ లాంచ్ ప్యాడ్ 3 నుంచి సోమవారం ఉదయం 10.40 సమయంలో క్షిపణిని విజయవంతంగా ప్రయోగించినట్టు భారత రక్షణ పరిశోధన అధికారులు వెల్లడించారు.

హైదరాబాద్, మే 21: తెలంగాణ రాష్ట్ర రోడ్డు రవాణా సంస్థ (టీఎస్‌ఆర్టీసీ) సంక్షోభం దిశగా పయనిస్తోందా? రోజురోజుకీ నష్టాల ఊబిలో కూరుకుపోతున్న ఆర్టీసీకి ప్రభుత్వం నుంచి అందాల్సిన సహాయం చాలావరకు అందినా ఏమాత్రం ఉపశమనం పొందలేకపోయింది. దీంతో తాజా పరిస్థితుల నేపథ్యంలో ప్రభుత్వం రానున్న రోజుల్లో ఆర్టీసీపై కీలక నిర్ణయం తీసుకునే అవకాశముందన్న ప్రచారం జరుగుతోంది.

హైదరాబాద్, మే 21: సింగరేణికి అనుబంధ సంస్థగా కొనసాగుతున్న ఆంధ్రప్రదేశ్ హెవీ మిషనరీ అండ్ ఇంజనీరింగ్ లిమిటెడ్ (ఆప్మెల్) స్వాధీనానికి ఆంధ్రప్రదేశ్ చేస్తున్న ప్రయత్నాలను తిప్పికొట్టాలని తెలంగాణ ప్రభుత్వం నిర్ణయించింది.