అనంతపురం, మే 21: కేంద్రంలో అధికారంలో ఉన్న భారతీయ జనతా పార్టీ కుట్ర రాజకీయాలు చేస్తూ రాష్ట్భ్రావృద్ధిని అడ్డుకుంటోందని ముఖ్యమంత్రి చంద్రబాబునాయుడు తీవ్ర స్వరంతో ధ్వజమెత్తారు. రాష్ట్రంలో బీజేపీ, వైకాపా కుట్రలు, కుతంత్రాలను ఇకపై సాగనీకుండా చిత్తుగా ఓడించి పుట్టగతులు లేకుండా చేయాలని ప్రజలకు పిలుపునిచ్చారు.

హైదరాబాద్: ఆర్టీసీ కార్మికులను ప్రభుత్వ ఉద్యోగులుగా గుర్తిస్తామని సీఎం కీసీఆర్ ఇచ్చిన తన హామీని నిలబెట్టుకోవాలని టీజేఎంయూ జనరల్ సెక్రటరీ హనుమంతు అన్నారు. సోమవారంనాడు టీఎస్ ఆర్టీసీ సంఘాలు, జేఏసీ నేతలతో జనరల్ బాడీ సమావేశం జరిగింది. సమావేశం అనంతరం మీడియాతో మాట్లాడుతూ 2011 నుంచి ఆర్టీసీలో నియామకాలే లేవని అన్నారు. తమ సమస్యలపై ప్రభుత్వం సానుకూలంగా స్పందించకపోతే సమ్మె తప్పదని అన్నారు.

అనంతపురం: జిల్లాలో ముఖ్యమంత్రి చంద్రబాబు నాయుడు పర్యటించారు. ఇందులో భాగంగా తురగలపట్నం చెరువులో జలహారతి ఇచ్చి, పూడికతీత పనులను ప్రారంభించారు. జేసీబీతో మట్టిని తీశారు. అనంతరం తురగలపట్నంలో ఎస్సీ కాలనీలో రూ. 2 కోట్లతో సీసీ రోడ్ల నిర్మాణానికి సీఎం శంకుస్థాపన చేశారు. అలాగే లబ్దిదారులు నిర్మించుకున్న ఎన్టీఆర్‌ గృహాన్ని సీఎం చంద్రబాబు ప్రారంభించారు.

హైదరాబాద్: ప్రఖ్యాత రచయిత్రి శ్రీమతి యద్దనపూడి సులోచనారాణి (79) కాలిఫోర్నియా రాష్ట్రంలో (యు.ఎస్.ఏ)లో కుపర్టినో పట్టణంలో ఆకస్మికంగా గుండెపోటుతో కన్నుమూశారు.ఈ విషయాన్ని వారి కుమార్తె శైలజ తెలిపారు. యద్దనపూడి సులోచనారాణి 1940లో కృష్ణా జిల్లా మొవ్వ మండలంలోని కాజ గ్రామంలో జన్మించారు. కుటుంబ కథనాలు రాయడంలో ఆమె తనకు తానే సాటి. ఆమె రాసిన అనేక నవలలు.. సినిమాలు, టీవీ సీరియళ్లుగా తెరకెక్కాయి.