గుంటూరు: దాచేపల్లి అత్యాచార బాధిత బాలికను ఏపీ స్పీకర్ కోడెల శివప్రసాదరావు శనివారంనాడు పరామర్శించారు. స్థానిక జీజిహెచ్‌లో చికిత్స పొందుతున్న బాలికను కోడెల పరామర్శించారు. ఈ సందర్భంగా కోడెల మాట్లాడుతూ బాలికకు కావల్సింది సానుభూతి కాదని మనోధైర్యం అని పేర్కొన్నారు. ఈ ఘటనపై ప్రభుత్వం సకాలంలో స్పందించిందని అన్నారు.

హైదరాబాద్: నగరంలోని సనత్‌నగర్ ఆర్‌ఎస్ బ్రదర్స్ గోదాంలో అగ్నిప్రమాదం సంభవించింది. పెద్దఎత్తున మంటలు చేలరేగి వస్త్రాలన్నీ కాలిపోయాయి. విద్యుత్ షార్ట్‌సర్క్యూట్ వల్ల ప్రమాదం సంభవించినట్లు భావిస్తున్నారు. భారీగా ఆస్తి నష్టం సంభవించింది.

హైదరాబాద్, మే 4: అకాల వర్షంవల్ల తడిసిన ధాన్యాన్ని తక్షణమే రైస్ మిల్లులకు తరలించే ప్రక్రియ చేపట్టాలని పౌరసరఫరాల శాఖ కమిషనర్ అకున్ సబర్వాల్ ఆదేశించారు. ఇందుకోసం పాత జిల్లాలకు సంబంధించి 9మంది సీనియర్ డిసీఎస్‌ఓలను ప్రత్యేకాధికారులుగా నియమించారు. ధాన్యం అమ్ముకోవడానికి రైతులు కొనుగోలు కేంద్రాల వద్ద వేచి చూసే పరిస్థితి రాకుండా తగిన చర్యలు తీసుకోవాలన్నారు.

హైదరాబాద్, మే 4: ‘తెలంగాణకు మళ్లీ మళ్లీ వస్తా. పార్టీ బలోపేతానికి చర్యలు తీసుకుంటా..’నని తెలుగు దేశం పార్టీ జాతీయాధ్యక్షుడు, ఏపీ సీఎం చంద్రబాబు పార్టీ శ్రేణులకు స్పష్టం చేశారు. టీడీపీ అధ్యక్షుడు ఎల్ రమణ అధ్యక్షతన శుక్రవారం పార్టీ కార్యాలయం (ఎన్టీఆర్ భవన్)లో జరిగిన సర్వసభ్య సమావేవానికి చంద్రబాబు ముఖ్యఅతిథిగా హాజరయ్యారు. తన ప్రసంగంతో పార్టీ శ్రేణుల్లో ఉత్సాహాన్ని నింపారు.