విజయవాడ: జిల్లా వ్యాప్తంగా విస్తారంగా వర్షాలు కురుస్తున్నారు. నగరంలో కురుస్తున్న కుండపోత వర్షాలకు లోతట్టు ప్రాంతాలు జలమయమయ్యాయి. విద్యుత్‌కు అంతరాయం ఏర్పడటంతో ప్రజలు ఇబ్బందులకు గురవుతున్నారు. మరోవైపు బలమైన ఈదురు గాలులకు హోర్డింగ్‌లు, వృక్షాలు నేలకొరిగాయి.

అమరావతి: గుంటూరు జిల్లా దాచేపల్లిలో బాలికపై యాభై ఏళ్ల వృద్ధుడు అత్యాచారం చేసిన ఘటనపై నిరసనలు వెల్లువెత్తుతోంది. నిందితుడ్ని ఉరి తీయాలని గ్రామస్తులు డిమాండ్ చేశారు. ఈ ఘటనపై ఆగ్రహాం వ్యక్తంచేస్తూ బంద్ పాటిస్తున్నారు. కాగా అత్యాచార ఘటనపై ముఖ్యమంత్రి చంద్రబాబునాయుడు తీవ్ర ఆగ్రహాం వ్యక్తంచేశారు. నిందితుడ్ని పట్టిచ్చినవారికి నగదు బహుమతి ఇస్తామని ప్రకటించారు.

విశాఖపట్నం: బెంగాల్‌పై ఉపరితల ఆవర్తనం ప్రభావం కొనసాగుతోంది. దీని ప్రభావం వల్ల ఉత్తరాంధ్ర, గోదావరి జిల్లాల్లో వర్షాలు కురుస్తాయని తెలిపింది. వాతావరణ ప్రభావం వల్ల ఈదురుగాలులతో కూడిన వర్షాలు పడతాయని వెల్లడించింది. మరో రెండు రోజుల పాటు ఇదే పరిస్థితి కొనసాగుతుందని విశాఖ వాతావరణ శాఖ వెల్లడించింది.

విశాఖపట్నం: విశాఖలో వర్షం బీభత్సం సృష్టిస్తోంది. భారీ వర్షాలతో జిల్లాలో విద్యుత్ సరఫరాకు అంతరాయం ఏర్పడింది. దీంతో ప్రజలు తీవ్ర ఇబ్బందులు ఎదుర్కుంటున్నారు. అటు కుండపోతగా వర్షం పడటంతో కేజీహెచ్‌లో విద్యుత్‌ సరఫరా నిలిచిపోయింది.