మంగళగిరి, ఏప్రిల్ 9: ప్రజాసమస్యలు తెలుసుకునేందుకు వైఎస్‌ఆర్ సీపీ అధ్యక్షుడు, ప్రతిపక్ష నాయకుడు వైఎస్ జగన్మోహనరెడ్డి ప్రజా సంకల్పయాత్ర పేరిట జరుపుతున్న పాదయాత్ర సోమవారం గుంటూరు జిల్లా మంగళగిరి మండలంలోకి ప్రవేశించింది. మధ్యాహ్నం 3 గంటల ప్రాంతంలో జగన్మోహనరెడ్డి పాదయాత్రగా పెదవడ్లపూడి మీదుగా ఆత్మకూరు గ్రామ పరిధిలోని కోకాకోలా కంపెనీ సమీపం వరకు నడిచి అక్కడ బస చేశారు.

హైదరాబాద్: ఆంధ్రప్రదేశ్‌కు ప్రత్యేక హోదా, విభజన చట్టంలో చెప్పిన అంశాలు అమలు చేసేలా జనసేన ప్రజాక్షేత్రంలో పోరాటం చేస్తుందని , ఈ కార్యాచరణతో అధికార్ ప్రతిపక్షాలకు నిద్ర లేకుండా చేస్తామని జనసేన పార్టీ ప్రకటించింది. ప్రత్యేక హోదా కోసం పోరాడేవాళ్లందరికీ జనసేన అండగా ఉంటుందని, ఢిల్లీలో రాష్ట్రం కోసం నిరసనలు, ఆమరణ దీక్షలు చేస్తున్న పార్లమెంటు సభ్యులకు సంఘీభావం తెలిపింది.

రామడుగు, ధర్మారం, ఏప్రిల్ 9: తెలంగాణలో కాళేశ్వరం ప్రాజెక్టు నిర్మాణం అద్భుతమని, దీనివల్ల లక్షల ఎకరాల బీడు భూములు సస్యశ్యామలమవడంతో పాటు ప్రజల తాగునీటి ఇబ్బందులు తొలుగుతాయని కేంద్ర జలవనరుల సంఘం చైర్మన్ మసూద్ హుస్సేన్ చెప్పారు.

హైదరాబాద్, ఏప్రిల్ 9: తెరాస అధికారంలోకి రాగానే దళితుడిని సీఎం చేస్తానని ఎన్నికల ముందు వాగ్దానం చేసిన కేసీఆర్, మాటతప్పి దళితులను మోసగించారని టీపీసీసీ అధ్యక్షుడు ఎన్. ఉత్తమ్‌కుమార్ రెడ్డి విమర్శించారు. ప్రధాని మోదీ, సీఎం కేసీఆర్ పాలనలో దళితులు దగా పడ్డారని దుయ్యబట్టారు. దళితులపై జరుగుతున్న దాడులకు నిరసనగా దేశవ్యాప్తంగా ఒక రోజు దీక్ష నిర్వహించాలని ఏఐసీసీ అధ్యక్షుడు రాహుల్ గాంధీ ఇచ్చిన పిలుపు