భద్రాచలం :భద్రాచలం శ్రీ సీతారాముల వారికి తెలంగాణ ప్రభుత్వం, టీటీడీ అధికారులు పట్టువస్త్రాలు, ముత్యాల తలంబ్రాలు సమర్పించారు. మంత్రులు తుమ్మల, ఇంద్రకరణ్‌రెడ్డి, తలసాని శ్రీనివాస్‌ యాదవ్‌, హైదరాబాద్ మేయర్‌ రామ్మోహన్‌, పలువురు అధికారులు సీతారాముల కల్యాణానికి హాజరయ్యారు. స్వామివారి కల్యాణోత్సవానికి వేలాది సంఖ్యలో భక్తులు తరలివచ్చారు. స్వామివారి దర్శనం కోసం కి.మీ మేర భక్తుల క్యూలైన్లలో వేచి ఉన్నారు.

భద్రాచలం : భద్రాచలం శ్రీ సీతారామచంద్రస్వామి దేవస్థానం సన్నిధి మిథిలాస్టేడియం కల్యాణ మండపంలో సీతారాముల కల్యాణ వేడుక వైభవంగా జరుగుతోంది. భాజాభజంత్రీలు, వేదపండితుల మంత్రోచ్ఛరణలు, భక్తుల కోలాహలం మధ్య కల్యాణమూర్తులను మిథులా స్టేడియంలోని కళ్యాణమండపానికి ఊరేగింపుగా తీసుకువచ్చారు. మిథిలాస్టేడియం ప్రాంగణంలో చలువ పందిళ్లను చాందినీ వస్ర్తాలు, తోరణాలతో అందంగా అలంకరించారు.

హైదరాబాద్: నగరంలో నిర్వహించిన శ్రీరామనవమి శోభాయాత్ర దిగ్విజయంగా ముగిసింది. ఎటువంటి సంఘటనలు చోటు చేసుకోకుండా భక్తిశ్రద్దలతో శ్రీరాముడి శోభయాత్రను పూర్తి కావడంతో నగర పోలీసులు ఊపిరి పీల్చుకున్నారు. దాదాపు 20 వేల మంది పోలీసుల పహారాలో, నిఘా నీడలో ప్రశాంతంగా పూర్తవడంతో పోలీసులు గండం గడిచిందని అనుకున్నారు. ఆదివారం కావడం, శ్రీరాముడి శోభాయాత్రను కనులారా వీక్షించేందుకు వేలాదిగా తరలి వచ్చారు.

వేములవాడ టౌన్, మార్చి 25: ఉమ్మడి కరీంనగర్ జిల్లాలోని హరిహర క్షేత్రమైన వేములవాడ శ్రీ రాజరాజేశ్వరస్వామి ఆలయంలో సీతారాముల క ల్యాణం అంగరంగ వైభవంగా జరిగింది. ఆదివా రం అభిజిత్‌లగ్న సుముహూర్తాన ఉదయం 11.45 గంటలకు కల్యాణాన్ని ఆలయ అర్చకులు ప్రారంభించారు.