హైదరాబాద్, మార్చి 4: తెలంగాణ ప్రజల దీవెనలుంటే భారత దేశ రాజకీయాలకు అద్భుతమైన దిశా, దశా చూపించి దేశ ప్రజానీకానికి మార్గ నిర్దేశనం చేస్తానని ముఖ్యమంత్రి కల్వకుంట్ల చంద్రశేఖర్‌రావు ప్రకటించారు. ‘నా ప్రయత్నంలో వందకు వందశాతం విజయం సాధిస్తానన్న సంపూర్ణమైన విశ్వాసం ఉంది’ అన్నారు.

నెల్లూరుటౌన్, మార్చి 3: ఫిలిప్పీన్స్ కేంద్రంగా పనిచేసే అంతర్జాతీయ వరి పరిశోధన సంస్థ (ఇర్రి) డైరెక్టర్ జనరల్ మాథ్యూ మోరెల్ నేతృత్వంలోని శాస్తవ్రేత్తల బృందం శనివారం నెల్లూరు జిల్లాలో పర్యటించింది. ఇటీవల రాష్ట్ర వ్యవసాయశాక మంత్రి సోమిరెడ్డి చంద్రమోహన్‌రెడ్డి బృందం ఫిలిప్పీన్స్, వియత్నాం, థాయిలాండ్ దేశాల్లో పర్యటించిన సంగతి తెలిసిందే.

విజయవాడ, మార్చి 3: రాజ్యాంగంలోని ఆర్టికల్ 35(ఏ) వల్ల జమ్మూకాశ్మీర్ మహిళలు పూర్తిగా వివక్షకు గురవుతున్నారని జమ్మూకు చెందిన న్యాయవాది, సామాజిక కార్యకర్త నీరూ మిశ్రా అన్నారు. జమ్మూకాశ్మీర్ అధ్యయన కేంద్రం శనివారం రాత్రి విజయవాడలో ఏర్పాటుచేసిన ఓ కార్యక్రమంలో జమ్మూ కాశ్మీర్ మహిళలు.. ఆర్టికల్ 35(ఏ) అనే అంశం మీద ఆమె ప్రసంగించారు.

విజయవాడ, మార్చి 3: అసెంబ్లీ సమావేశాలు ఈనెల 5 నుంచి నెలాఖరు వరకు నిర్వహించనున్నట్లు అసెంబ్లీ స్పీకర్ డాక్టర్ కోడెల శివప్రసాద్ తెలిపారు. శనివారం ఆయన మీడియాతో మాట్లాడుతూ 5న ఉదయం 9 గంటలకు ఉభయ సభలను ఉద్దేశించి గవర్నర్ ప్రసంగిస్తారన్నారు. ప్రతిపక్షం సభకు రావాలని కోరుకుంటున్నానని, దీనికి సంబంధించి ఆ పార్టీకి చెందిన ముఖ్య నేతలతో తాను ఇప్పటికే మాట్లాడానని వెల్లడించారు.