గంగారం, మార్చి 2: జయశంకర్ భూపాలపల్లి జిల్లా వెంకటాపురం మండలం ఆలూబాక వద్ధ శుక్రవారం ఉదయం జరిగిన ఎన్‌కౌంటర్‌లో మావోయిస్టు అగ్రనేత, ఉత్తర తెలంగాణ కార్యదర్శి యాప నారాయణ అలియాస్ హరిభూషణ్, ఆయన భార్య జజ్జరి సమ్మక్క అలియాస్ శారదలు చనిపోయారంటూ వార్తలు రావడంతో వారి సొంత మండలమైన గంగారం ఉలిక్కిపడింది.

కాంచీపురం, ఫిబ్రవరి 2: ప్రసిద్ధ కంచి పీఠానికి 70వ పీఠాధిపతిగా విజయేంద్ర సరస్వతి నియమితులయ్యారు. కంచి శంకరాచార్య జయేంద్ర సరస్వతి నిర్యాణం నేపథ్యంలో ఈ పీఠం సారథ్యాన్ని శ్రీ విజయేంద్ర సరస్వతికి కంచి మఠం అప్పగించింది. కంచి 69వ పీఠాధిపతి జయేంద్ర సరస్వతి రెండు రోజుల క్రితం శివైక్యమైన విషయం తెలిసిందే.

హైదరాబాద్, మార్చి 2: మావోయిస్టుల నుంచి ఆత్మరక్షణ కోసమే గ్రేహౌండ్స్ పోలీసులు కాల్పులు జరిపారని డిజిపి ఎం.మహేందర్ రెడ్డి తెలిపారు. కూంబింగ్ కొనసాగుతుండగా తారసపడ్డ మావోయిస్టు గ్రూప్ సభ్యులు తొలుత పోలీసులపై కాల్పులు జరిపి చంపాలని ప్రయత్నించారని వెల్లడించారు. ఆ దాడి నుంచి తమను తాము కాపాడుకునేందుకు ఎదురు కాల్పులు జరపడంతో 10 మంది మావోయిస్టులు చనిపోయారని డిజిపి స్పష్టం చేశారు.

విశాఖపట్నం, మార్చి 2: స్థల సమస్య తలెత్తకుండా విద్యుత్ సామర్థ్యాన్ని పెంచి నిరంతర విద్యుత్ సరఫరాకు పట్టణ ప్రాంతాల్లో ఇండోర్ సబ్‌స్టేషన్లు నిర్మించాలని ఆంధ్రప్రదేశ్ ఈస్ట్రన్ పవర్ డిస్ట్రిబ్యూషన్ కంపెనీ (ఏపీఈపీడీసీఎల్) యాజమాన్యం నిర్ణయించింది. ఇందులో భాగంగా కొన్నిచోట్ల ఇప్పటికే వీటిని ఏర్పాటు చేసింది కూడా. స్మార్ట్‌సిటీగా అభివృద్ధి చెందుతోన్న విశాఖలో గజం స్థలం లభించడం ప్రస్తుతం పెద్ద సవాల్.