హైదరాబాద్, ఫిబ్రవరి 19: దేశంలో సాంకేతిక, విజ్ఞాన సమాచారాన్ని పరిరక్షించేందుకు కొద్దిరోజుల్లో కొత్త చట్టాన్ని తీసుకువస్తున్నట్టు కేంద్ర ఐటీ మంత్రి రవిశంకర్ ప్రసాద్ చెప్పారు. అన్ని సంస్థలూ, సంబంధీకులతో మాట్లాడేందుకు జస్టిస్ శ్రీకృష్ణ అధ్యక్షతన కమిటీని నియమించినట్టు చెప్పారు. ఈ కమిటీ నివేదిక వచ్చే నెల వస్తుందని, వెంటనే దాన్ని చట్టం చేస్తామని పేర్కొన్నారు.

హైదరాబాద్, ఫిబ్రవరి 19: ప్రపంచంలో పేరుగాంచిన ఐటి దిగ్గజాలు హాజరవుతున్న ప్రపంచ ఐటి కాంగ్రెస్ సదస్సులో కృత్రిమ మేథోసంపన్నురాలైన రోబో సోఫియా మంగళవారం నాడు ప్రసంగించనుంది. స్వీయ విచలనాలతో పనిచేస్తున్న సోఫియాకు ఇప్పటికే సౌదీ అరేబియా పౌరసత్వాన్ని కూడా అందజేసింది. సోమవారం నాడు హైటెక్స్‌లో ప్రారంభమైన ఐటి వరల్డ్ కాంగ్రెస్ 21వ తేదీ వరకూ జరగనుంది.

హైదరాబాద్: సాంకేతికతతోనే అభివృద్ధి సాధ్యమవుతుందని కేంద్రమంత్రి రవిశంకర్‌ప్రసాద్ అన్నారు. హైదరాబాద్‌లో జరుగుతున్న ప్రపంచ ఐటీ కాంగ్రెస్ సదస్సులో పాల్గొన్న కేంద్ర మంత్రి మాట్లాడుతూ 1.25 బిలియన్ భారత ప్రజలకు డిజిటల్ గుర్తింపు కార్డులున్నాయన్నారు. 60 లక్షల మంది పౌరులను డిజిటల్ అక్షరాస్యులను చేయడమే లక్ష్యమని స్పష్టం చేశారు. కంప్యూటర్ వస్తే ఉద్యోగాలు పోతాయని భయపడ్డారు..కానీ అలా జరగలేదన్నారు.

గుంటూరు: విభజన హామీలు సవరణల ద్వారా తీసుకురావాలని...సవరణలకు కాంగ్రెస్ పూర్తి మద్దతు ఇస్తుందని పీసీసీ చీఫ్ రఘువీరారెడ్డి అన్నారు. కేంద్ర బడ్జెట్‌లో ఏపీకి జరిగిన అన్యాయానికి నిరసనగా సోమవారం జిల్లా కలెక్టరేట్ ఎదుట చేపట్టిన ‘ఆంధ్రుల ఆత్మగౌరవ దీక్ష‌’లో రఘువీరా పాల్గొన్నారు. ఈ సందర్భంగా మాట్లాడుతూ ఈనెల రోజులు అత్యంత కీలకమని... అందరం కలిసి పోరాడదామని పిలుపునిచ్చారు.