హైదరాబాద్, ఫిబ్రవరి 3: ప్రస్తుతం ఏర్పాటైన గ్రామ, మండల స్ధాయి సమితులకు తోడు త్వరలో జిల్లాస్థాయ రైతు సమన్వయ సమితులు ఏర్పాటు చేసేందుకు చర్యలు తీసుకోవాలని సీఎం కేసీఆర్ జిల్లా మంత్రులను ఆదేశించారు. జిల్లాస్థాయి సమన్వయ సమితి ఏర్పాటు అనంతరం కార్పొరేషన్ తరహాలో రాష్ట్ర స్థాయి సమితి ఏర్పాటు చేస్తామన్నారు. దీనికి ఒక ఉన్నతాధికారిని నియమించే ఆలోచన కూడా ఉందని స్పష్టం చేశారు.

నెల్లూరు, ఫిబ్రవరి 3: నాలుగేళ్లుగా ప్రజలను వంచిస్తున్న ముఖ్యమంత్రి చంద్రబాబు అన్నింటిలో వైఫల్యం చెంది, ప్రజలను మోసగిస్తూ ఇపుడు ఆ నెపాన్ని కేంద్ర ప్రభుత్వంపై నెట్టే ప్రయత్నం చేస్తున్నాడని ఇలాంటి దగాకోరు రాజకీయాలు చేసేవారు ప్రపంచంలో మరెక్కడా ఉండరని వైసిపి అధినేత వైఎస్ జగన్మోహన్ రెడ్డి అన్నారు.

హైదరాబాద్, ఫిబ్రవరి 3: బాల్యవివాహాల వల్ల ఎదుర్కొంటున్న బాధలపై 11 మంది బాధితులు రాసిన లేఖను హైకోర్టు సుమోటోగా స్వీకరించింది. తమకు బాల్యంలోనే వివాహాలు చేయడం వల్ల బాలల హక్కును కోల్పోయామని, అనారోగ్య సమస్యలను ఎదుర్కొంటున్నామని వారు హైకోర్టు ప్రధాన న్యాయమూర్తికి లేఖ రాశారు. గర్భం దాల్చడం వల్ల ఒక బాలిక మరణించిందని, ప్రసవించిన శిశువులు అనారోగ్య సమస్యలను ఎదుర్కొంటున్నారని లేఖలో పేర్కొన్నారు.

హైదరాబాద్, ఫిబ్రవరి 3: పలు వైవిధ్య కార్యక్రమాలకు పెద్ద పీట వేస్తూ , దేశవ్యాప్తంగా ఉన్న విద్యార్థులు పాల్గొనడం ద్వారా ప్రమాణ కార్యక్రమం జోష్ పెంచిందని గీతం డీమ్డ్ యూనివర్శిటీ ఉప కులపతి ప్రొఫెసర్ ఎన్ శివప్రసాద్ పేర్కొన్నారు. మూడు రోజుల పాటు నిర్వహించిన ప్రమాణ కార్యక్రమం శనివారం నాడు విజయవంతంగా ముగిసిందని సమన్వయ కర్త డాక్టర్ ఎన్ వి స్వామినాయుడు తెలిపారు.