హైదరాబాద్/శేరిలింగంపల్లి, జనవరి 29: సైబరాబాద్ పరిధిలోని చందానగర్‌లో దారుణం జరిగింది. ఒకేసారి ముగ్గురిని హత్య చేయడం రాష్టవ్య్రాప్తంగా తీవ్ర సంచలనం రేపింది. ప్రియురాలు, కన్న బిడ్డతో పాటు అత్తను కూడా అంతమొందించిన దుర్మార్గుడు రెండు రోజుల తర్వాత పోలీసులకు లొంగిపోయాడు. పోలీసుల కథనం ప్రకారం వివరాలిలా ఉన్నాయి.

హైదరాబాద్, జనవరి 29: ప్రైవేటు, కార్పొరేట్ జూనియర్ కాలేజీల్లో అడ్మిషన్లను ఏప్రిల్ నెల తర్వాతనే చేపట్టాలని ఇంటర్ బోర్డు కార్యదర్శి డాక్టర్ అశోక్ తెలిపారు. ఏప్రిల్ మొదటి వారంలో అనుబంధ గుర్తింపు పొందిన జూనియర్ కాలేజీల వివరాలను వెల్లడిస్తామని, గుర్తింపు పొందిన కాలేజీల్లో మాత్రమే విద్యార్థులు చేరాలని ఆయన సూచించారు. ముందుగా అడ్మిషన్లను చేపట్టే కాలేజీలపై కఠిన చర్యలు తప్పవని ఆయన హెచ్చరించారు.

తిరుపతి, జనవరి 29: దేశంలో ఈనెల 31న సంపూర్ణ చంద్రగ్రహణం ఏర్పడనున్న నేపథ్యంలో బుధవారం ఉదయం 11 గంటల నుంచి రాత్రి 9.30 గంటల వరకు తిరుమల శ్రీవారి ఆలయాన్ని మూసివేయనున్నారు. అనంతరం ఆలయ శుద్ధి, పుణ్యహవచనం లాంటి వైదిక కార్యక్రమాలను నిర్వహించిన అనంతరం రాత్రి 10.30నిమిషాలనుంచి భక్తులను స్వామివారి దర్శనానికి అనుమతిస్తారు. అనంతరం ఏకాంత సేవతో స్వామివారి ఆలయాన్ని మూసివేస్తారు.

హైదరాబాద్, జనవరి 29: హైదరాబాద్ ప్రాంతీయ పాస్‌పోర్ట్ కార్యాలయం వినియోగదారులకు సేవలు అందివ్వడంలో దేశంలోనే ప్రథమ స్థానం పొందిందని ప్రాంతీయ పాస్‌పోర్ట్ అధికారి విష్ణువర్ధన్‌రెడ్డి తెలిపారు.