బాసర, జనవరి 27: గ్రస్థోదయ సంపూర్ణ చంద్రగహణాన్ని పురస్కరించుకుని ఈ నెల 31న బాసర ఆలయంతోపాటు ఉపాలయాలను బుధవారం ప్రాతఃకాల పూజ అనంతరం 7.30 గంటలకు మూసివేస్తామని ఆలయ స్థానాచార్యుడు ఓ ప్రకటనలో తెలిపారు. తిరిగి గురువారం ఉదయం 4 గంటలకు అమ్మవారి ఆలయంతోపాటు ఉపాలయాల్లో సంప్రోక్షణ చేసి నిత్యాభిషేకం, మహాహారతి పూజలు నిర్వహించి భక్తులకు దర్శన సేవలను కల్పించనున్నట్టు ఆయన పేర్కొన్నారు.

హైదరాబాద్, జనవరి 27: ప్రజలకు చేరువయ్యేందుకు వినూత్న కార్యక్రమాలతో ముందంజలో ఉన్న తెలంగాణ ప్రభుత్వం జనహిత అనే కొత్త ప్రాజెక్టును రాష్ట్ర వ్యాప్తంగా త్వరలో అమలు చేయనుంది. సాంకేతిక పరిజ్ఞానంతో జనహితను ప్రారంభించేందుకు అన్ని సన్నాహాలను ప్రభుత్వం ఏర్పాటు చేసింది. రాష్ట్రంలోని 31 జిల్లా కలెక్టరేట్లకు ప్రతి సోమవారం కలిసేందుకు పెద్ద సంఖ్యలో జనం వస్తుంటారు. తమసమస్యలను విన్నవించుకుంటారు.

అనంతపురం, జనవరి 27: ‘మీరు ఎవరి పక్షం అని చాలామంది అడుగుతున్నారు. అసలు రాజకీయాల్లో ఉంటారా? పారిపోతారా? అని కూడా అంటున్నారు. నేను ఏ పక్షమూ కాదు. నాది ప్రజాపక్షం. ఆఖరిశ్వాస ఉన్నంత వరకూ మీకు అండగా ఉంటాను’ అని జనసేన అధినేత పవన్ కల్యాణ్ స్పష్టం చేశారు. అనంతపురం జిల్లాలో మూడు రోజుల రాజకీయ యాత్రకు శనివారం పవన్ కల్యాణ్ శ్రీకారం చుట్టారు.

అమరావతి, జనవరి 27: బీజేపీతో పొత్తుపై టీడీపీ అధినేత, సీఎం చంద్రబాబు ఆసక్తికరమైన వ్యాఖ్యలు చేశారు. ‘ఒకవేళ పొత్తు వద్దంటే నమస్కారం పెట్టి మాట్లాడుకుందాం. అది వాళ్లు, వాళ్ల లీడర్‌షిప్పే ఆలోచించుకోవాలి. నేను మిత్రధర్మం పాటిస్తున్నా’ అని వ్యాఖ్యానించారు. మీ మిత్రపక్షమైన బీజేపీనే మిమ్మల్ని అటాక్ చేస్తుంది కదా? అన్న ప్రశ్నకు పైవిధంగా సమాధానమిచ్చారు. తాను మిత్రధర్మం పాటిస్తున్నానన్నారు.