అమరావతి/నరసరావుపేట, జనవరి 27: కోటప్పకొండపై అన్యమత చిహ్నాల అధికారులు కూల్చివేశారు. శైవక్షేత్రమైన గుంటూరు జిల్లా కోటప్పకొండ పైన ఉన్న పార్కులో నిర్మించిన శివుడి విగ్రహానికి అటు, ఇటు క్రైస్తవ-ముస్లిం చిహ్నాలు ఏర్పాటుచేసిన వైనంపై హిందు ధర్మసంస్థలు, పీఠాథిపతులు విరుచుకుపడిన విషయం తెలిసిందే.

హైదరాబాద్, జనవరి 27: రంగారెడ్డి జిల్లా హయత్‌నగర్ మండలం కుంట్లూరు గ్రామానికి చెందిన విద్యుత్ శాఖ లైన్‌మేన్ బి.వెంకటేశ్ 3 వేల రూపాయలు లంచం తీసుకుంటూ శనివారం నాడు అవినీతి నిరోధక శాఖ అధికారులకు చిక్కాడు. కుంట్లూరులో ఎ.రాము అనే కాంట్రాక్టర్ ఇంటికి విద్యుత్ మీటర్ బిగించేందుకు వెంకటేశ్ లంచం డిమాండ్ చేశాడు. దీంతో రాము ఏసీబీ అధికారులను ఆశ్రయించాడు.

గోవిందరావుపేట, జనవరి 26: మేడారం సమ్మక్క-సారలమ్మ తల్లులకు భక్తులు ముందస్తు మొక్కులు చెల్లించుకుంటున్నారు. కోటిమందికి పైగా భక్తులు వస్తారనే అంచనాతో తెలంగాణా ప్రభుత్వం అన్ని ఏర్పాట్లు చేస్తుండగా, జాతర సమయంలో భక్తుల రద్దీ అధికంగా ఉంటుందనే భయంతో ముందస్తు మొక్కులకే భక్తులు మొగ్గుచూపుతున్నారు.

హైదరాబాద్, జనవరి 26: టాలీవుడ్ హీరో నాని కారు రోడ్డు ప్రమాదానికి గురైంది. శుక్రవారం రాత్రి జూబ్లీహిల్స్ రోడ్ నెం.45లో వస్తుండగా కారు అదుపు తప్పి పక్కన ఉన్న డివైడర్‌ను, మధ్యలో ఉన్న విద్యుత్ స్ధంభాన్ని ఢీకొంది. ఈ సంఘటనలో కారు బెలూన్లు వెంటనే తెరుచుకోవడంతో పెద్ద ప్రమాదం తప్పింది. కారులో ఉన్న నానికి స్వల్ప గాయం కాగా, డ్రైవర్‌కు ఏమీ కాలేదు.