వరంగల్, జనవరి 26: మేడారం సమ్మక్క-సారలమ్మ జాతరలో దండిగా డబ్బు సంపాదించుకోవాలని ఆశలు పెట్టుకున్న బెల్లం వ్యాపారుల ఆశలు అడియాశలయ్యాయి. ఉమ్మడి వరంగల్ జిల్లాలో బెల్లం అమ్మకాలపై ఎక్సైజ్ శాఖ అమలు చేస్తున్న నిషేధాన్ని అవకాశంగా తీసుకుని అడ్డగోలు ధరలతో బెల్లం అమ్ముకోవచ్చనుకున్న వ్యాపారులు భారీగా బెల్లం స్టాకు చేశారు. అయతే, ఎక్సైజ్‌శాఖ తాజా నిర్ణయంతో దిక్కుతోచని పరిస్థితుల్లో పడ్డారు.

హైదరాబాద్, జనవరి 26: దావోస్‌లో జరుగుతున్న వరల్డ్ ఎకనామిక్ ఫోరమ్ వేదికపై తెలంగాణ ఐటీ, పరిశ్రమల మంత్రి కె తారకరామారావుకు అరుదైన గౌరవం లభించింది. ఈ వేదికపై వివిధ దేశాలకు చెందిన ప్రధాన మంత్రులు, కేంద్ర మంత్రులు మాత్రమే ప్రసంగించే అవకాశం ఉనన్నప్పటికీ తెలంగాణ ప్రభుత్వం తరఫున వెళ్లిన మంత్రి కేటీఆర్‌కూ ప్రసంగించే అరుదైన అవకాశం లభించింది. ఈ సదస్సులో డిజిటల్ తెలంగాణపై కేటీఆర్ ప్రసంగించారు.

రాజమహేంద్రవరం, జనవరి 26: దేవాదాయ ధర్మాదాయ శాఖ స్వయంప్రతిపత్తి కలిగిన సంస్థగా ఉండాలని తాను భావిస్తున్నానని రాష్ట్ర దేవాదాయ ధర్మాదాయ మంత్రి పైడికొండల మాణిక్యాలరావు అన్నారు. మత విశ్వాసాల పరిరక్షణ, ఆధ్యాత్మిక సంస్థల సంరక్షణ, హిందూత్వాన్ని కాపాడటం తదితర అంశాల్లో రాజ్యాంగపరమైన స్వయం ప్రతిపత్తి కలిగిన సంస్థగా ఉండాలని భావిస్తున్నానన్నారు.

అమరావతి, జనవరి 26: మార్చి మొదటివారం నుంచి బడ్జెట్ సమావేశాలు నిర్వహించనున్నట్లు రాష్ట్ర శాసనసభ స్పీకర్ కోడెల శివప్రసాదరావు వెల్లడించారు. రాష్ట్ర అసెంబ్లీ ప్రాంగణంలో రిపబ్లిక్ డే సందర్భంగా శుక్రవారం జాతీయ జెండాను ఆవిష్కరించిన ఆయన మాట్లాడుతూ దేశానికి స్వాతంత్య్రం వచ్చి 71 ఏళ్లు పూర్తవుతున్నాయన్నారు. ప్రపంచంలో వేగంగా అభివృద్ధి చెందుతున్న దేశంగా ఇండియాకు గుర్తింపు లభించిందన్నారు.