హైదరాబాద్, డిసెంబర్ 31: ముస్లింల సంక్షేమానికి ప్రధాని నరేంద్రమోదీ ప్రభుత్వం కట్టుబడి ఉందని, త్రిపుల్ తలాక్ విధానాన్ని అరికడుతూ చట్టం తేవడం వల్ల ముస్లిం మహిళల హక్కులను రక్షించినట్లయిందని కేంద్ర మాజీ మంత్రి, బిజెపి సీనియర్ నేత బండారు దత్తాత్రేయ అన్నారు. ఆదివారం ఇక్కడ విలేఖర్లతో మాట్లాడుతూ త్రిపుల్ తలాక్ దురాచారం ఏళ్లతరబడి సాగుతోందని, ముస్లిం దేశాలు కూడా ఈ విధానాన్ని నిషేధించాయన్నారు.

హైదరాబాద్, డిసెంబర్ 31: నూతన సంవత్సరం సందర్భంగా తెలంగాణ ప్రభుత్వం పోలీసు, స్పెషల్ ప్రొటెక్షన్ ఫోర్స్ (ఎస్‌పిఎఫ్), ఫైర్ సర్వీస్‌లో పని చేసే పలువురికి పలు సేవా పతకాలను ప్రకటించింది. విశిష్ట సేవలు అందించినందుకు గాను ప్రోత్సాహకంగా ప్రభుత్వం ఈ అవార్డులను ప్రకటిస్తోంది. ఈ జాబితాను తెలంగాణ హోంశాఖ విడుదల చేసింది.

హైదరాబాద్, డిసెంబర్ 31: అధికారంలో వచ్చేందుకు అన్ని రకాల హామీలు ఇచ్చిన ముఖ్యమంత్రి కెసిఆర్ అప్రజాస్వామిక పాలనకు చరమగీతం పాడేంతవరకు కాంగ్రెస్ శ్రేణులు విశ్రమించరాదని టిపిసిసి అధ్యక్షుడు ఉత్తమ్‌కుమార్ రెడ్డి పిలుపునిచ్చారు. ఆదివారం ఇక్కడ ఆయన విలేఖర్లతో మాట్లాడుతూ కాంగ్రెస్‌లో చేరేందుకు అన్ని వర్గాలకు చెందిన ప్రజలు, నేతలు ఉత్సాహం చూపుతున్నారని, టిఆర్‌ఎస్ నిజస్వరూపం ప్రజలకు తెలిసిపోయిందన్నారు.

హైదరాబాద్, డిసెంబర్ 31: హైదరాబాద్ నగర పోలీస్ పరిధిలోని సిసిఎస్ విభాగం ఆవరణలో ‘సెంట్రల్ మానిటరింగ్ సెల్’ (సిఎంసి) ప్రారంభమయ్యింది. హైదరాబాద్ నగర పోలీసు పరిధిలో ఉన్న ఏ పోలీసు స్టేషన్ పరిధిలోనైనా ఏ కారణం చేతనైనా ఫిర్యాది దారుకు ఎఫ్‌ఐఆర్ నమోదు చేసి ఇవ్వకపోతే ఈ సెల్‌ను సంప్రదించవచ్చని నగర పోలీసు కమిషనర్ శ్రీనివాసరావు తెలిపారు.