హైదరాబాద్, డిసెంబర్ 29: రాష్ట్రంలో ప్రైవేటు, కార్పొరేట్ పాఠశాలల్లో ఫీజుల నియంత్రణకు సంబంధించి సిఫార్సులు చేసేందుకు ఏర్పాటు చేసిన ప్రొఫెసర్ టి తిరుపతిరావు నేతృత్వంలోని ఉన్నత స్థాయి కమిటీ ప్రతి ఏటా 10 శాతం మేర ఫీజు పెంపు చేసుకునేందుకు వీలుగా ప్రతిపాదనలు తయారుచేయడంపై విద్యార్థి సంఘాల నాయకులు, కమిటీ సభ్యులు మండిపడ్డారు. కార్పొరేట్ స్కూళ్లకు మేలు చేసే సిఫార్సులను చేయవద్దని వారు కోరారు.

మూడేళ్ల క్రితం కొత్తగా ఏర్పడిన తెలంగాణ రాష్ట్రం ఈ ఏడాది విద్యుత్ రంగంలో పుంజుకుంది. థర్మల్ విద్యుత్ ఉత్పత్తిని గణనీయంగా పెంచింది. సౌర విద్యుత్ ఉత్పత్తిలో దేశంలోనే అగ్ర స్థానంలో నిలిచింది. విద్యారంగంలోనూ ఈ ఏడాది రాష్ట్రం ముందడుగు వేసింది. పాఠశాలలు, కళాశాలల్లో అదనపు తరగతి గదుల నిర్మాణానికి భారీగా నిధులు మంజూరు చేసింది. వ్యవసాయ రంగానికి వస్తే ఈ ఏడాది ఖరీఫ్ సీజన్ ఒడిదుడుకుల మధ్య సాగింది.

వామపక్ష తీవ్రవాదానికి ఒకప్పుడు కోటగా ఉన్న తెలంగాణ, ఆంధ్ర రాష్ట్రాల్లో నక్సలైట్ల కార్యకలాపాలు తగ్గుముఖం పట్టగా, దేశ వ్యాప్తంగా కూడా ఈ ఏడాది గత ఏడాదితో పోలిస్తే 22.5 శాతం తగ్గినట్లు కేంద్ర హోంశాఖ ప్రకటించింది. వామపక్ష తీవ్రవాదం పశ్చిమబెంగాల్ నక్సల్బరి గ్రామంలో ఆవిర్భవించినా, దాని ప్రభావం ఉమ్మడి ఆంధ్రప్రదేశ్‌పై 2005 వరకు తీవ్రంగా ఉండేది.

గుజరాత్, హిమాచల్ ప్రదేశ్ రాష్ట్రాల్లో గెలుపుబిజెపి స్థానిక పార్టీ నేతల్లో కొత్త ఉత్సాహాన్ని నింపింది. గత ఏడాది కాలంగా అనేక అంశాలపై వెనువెంటనే స్పందించడంతో పాటు ఉద్యమాలు చేస్తూ, అసెంబ్లీలోనూ, శాసనమండలిలోనూ ప్రభుత్వాన్ని నిలదీస్తూ, ప్రజాచైతన్య కార్యక్రమాలను నిర్వహించడంలో బిజెపి విజయం సాధించింది.