ఈ ఏడాది కొత్తగా ఓ కొత్త పార్టీ ఆవిర్భవించగా, ఇంకా పలు పార్టీల స్థాపనకు కసరత్తు జరుగుతున్నది. 2014 సంవత్సరం జూన్ 2న తెలంగాణ రాష్ట్రం ఏర్పాటైంది. అయితే ఈ ఏడాది జూన్ 2న డాక్టర్ చెరుకు సుధాకర్ ‘తెలంగాణ ఇంటి పార్టీ’ పేరిట కొత్త పార్టీని స్థాపించారు. సామాజిక న్యాయం లక్ష్యంగా కొత్త పార్టీని స్థాపించినట్లు ఆయన ప్రకటించారు.

నిజామాబాద్, డిసెంబర్ 28: ప్రస్తుత రబీ సీజన్‌లో పంటల సాగు కోసం నిజాంసాగర్ ప్రాజెక్టు ద్వారా నీరందిస్తున్నందున, నీటి విడుదల తీరుతెన్నులను నిరంతరం పర్యవేక్షించాలని రాష్ట్ర వ్యవసాయ శాఖ మంత్రి పోచారం శ్రీనివాస్‌రెడ్డి ఇరిగేషన్ అధికారులను ఆదేశించారు. అత్యవసరం అయితే తప్ప అధికారులెవరూ సెలవుల్లో వెళ్లవద్దని సూచించారు.

హైదరాబాద్, డిసెంబర్ 28: నూతన సంవత్సరాన్ని పురస్కరించుకొని నిర్వహించే వేడుకలకు జిఎస్‌టి పన్ను వర్తిస్తుందని రాష్ట్ర వాణిజ్య పనులశాఖ కమిషనర్ వి అనిల్‌కుమార్ ఒక ప్రకటనలో పేర్కొన్నారు. నూతన సంవత్సర వేడుకల నిర్వహకులు తమ సంస్థలను నమోదు చేసుకోవాల్సి ఉంటుందని పేర్కొన్నారు. నమోదు చేసుకోనివారు తమ వేడుకల టర్నోవర్‌ను అంచనా వేసి 28 శాతం పన్నును ముందస్తుగా చెల్లించినా సరిపోతుందని ఆయన పేర్కొన్నారు.

హైదరాబాద్, డిసెంబర్ 28: హైదరాబాద్ సెంట్రల్ యూనివర్శిటీ ప్రొఫెసర్‌గా పనిచేసి పదవీ విరమణ చేసిన ప్రొఫెసర్ మహ్మద్ బేగ్ ఇషాస్‌కు కేంద్ర సాహిత్య అకాడమి పురస్కారం దక్కింది. హైదరాబాద్ సెంట్రల్ యూనివర్శిటీ ఉర్దూ విభాగంలో పనిచేసిన బేగ్ 2013 ఆగస్టులో పదవీవిరమణ చేశారు. ఆయన రాసిన ‘దుఖ్‌మా’ చిన్న కథకు సాహిత్య అవార్డు లభించింది. 1984లో ఉర్దూ విభాగంలో చేరిన ప్రొఫెసర్ బేగ్ కృష్ణచందర్ జీవితంపై పరిశోధన చేశారు.