న్యూఢిల్లీ, డిసెంబర్ 5: నిజాం పాలన కాలంలోని నియంతృత్వ పోకడలు కంటే ప్రస్తుతం తెలంగాణలో టీఆర్‌ఎస్ నిరంకుశ పాలన కొనసాగుతోందని కాంగ్రెస్ ఎమ్మెల్యే డీకే అరుణ ఆరోపించారు. మంగళవారం తెలంగాణ భవన్‌లో అరుణ విలేఖరులతో మాట్లాడారు. తెలంగాణ ప్రజల కష్టాలు ముఖ్యమంత్రి కేసీఆర్, మంత్రి కేటీఆర్‌కు తెలియవు, కేవలం తండ్రీకొడుకులు అధికార దర్పంతో, అహకారంతో మాట్లాడుతున్నారని మండిపడ్డారు.

హైదరాబాద్, డిసెంబర్ 5: మెట్రోరైళ్ల సంఖ్యను పెంచే అవకాశాలను పరిశీలించాల్సిందిగా అధికారులను మున్సిపల్, పట్టణాభివృద్ధిశాఖ మంత్రి కె తారకరామారావు ఆదేశించారు. మెట్రోరైలు ప్రయాణానికి ప్రజల నుంచి భారీ స్పందన ఉన్న నేపథ్యంలో రైళ్లను పెంచాలని మంత్రి సూచించారు. ప్రయాణికుల రద్దీని అంచనా వేసి ఫిబ్రవరిలో రైళ్ల ఫ్రీకెన్సీనీ పెంచుతామని అధికారులు తెలిపారు.

హైదరాబాద్, డిసెంబర్ 5: ఉస్మానియా విశ్వవిద్యాలయంలో మురళీ ఆత్మహత్య, అనంతర పరిణామాలతో విద్యార్ధులపై లాఠీచార్జీని నిరసిస్తూ ఎబివిపి ఇచ్చిన పిలుపు మేరకు మంగళవారం నాడు విశ్వవిద్యాలయాల బంద్ ప్రశాంతంగా జరిగింది. అదుపులోకి తీసుకున్న విద్యార్థులను పోలీసులు చంచల్‌గూడ జైలుకు తరలించడంతో వివిధ విద్యార్థి సంఘాల నాయకులు జైలుకు వెళ్లి విద్యార్థులను పరామర్శించారు.

హైదరాబాద్, డిసెంబర్ 5: బంగారు తెలంగాణ సాధనకు విజన్ డాక్యుమెంట్ -2024 సిద్ధమవుతోంది. తెలంగాణ రాష్ట్రం అవతరించి మూడేళ్లు గడచిన తర్వాత రాష్ట్రంలో నెలకొన్న మానవవనరులు, వౌలిక సదుపాయాలు, పారిశ్రామిక రంగం, ఐటి, వ్యవసాయ, సాగునీటి రంగాలను పరిగణనలోకి తీసుకుని బంగారు తెలంగాణ సాధనకు ఒక డాక్యుమెంట్‌ను తయారు చేయాలని ముఖ్యమంత్రి కె చంద్రశేఖరరావు నిర్ణయించారు.