హైదరాబాద్, డిసెంబర్ 4: ఉడుకు రక్తం..క్షణికావేశంలో నేరాలకు పాల్పడేది మూడు పదుల లోపు ఉన్నవారే. కానీ 30 నుంచి 45 వయస్కులే ఎక్కువ నేరాలకు పాల్పడుతున్నారని దేశవ్యాప్తంగా జరిగిన ఓ సర్వేలో వెల్లడైంది. దేశంలోని మెట్రో నగరాల్లో నేరాల తీరును పరిగణలోకి తీసుకుంటే హైదరాబాద్‌లో ఇందుకు భిన్నంగా ఉంది. 18 నుంచి 30 ఏళ్ల లోపు వారి కంటే 30 నుంచి 45 మధ్య వయసున్న వాళ్లే అధికంగా నేరాలకు పాల్పడుతున్నారు.

హైదరాబాద్, డిసెంబర్ 4: తమిళనాడులోని ఆర్కే నగర్ శాసనసభ నియోజకవర్గం ఉప ఎన్నికలో స్వతంత్ర అభ్యర్థిగా పోటీ చేస్తున్న సినీ హీరో విశాల్‌రెడ్డికి మద్దతు ఇచ్చే అంశంపై సమీక్షించి నిర్ణయం తీసుకుంటామని తమిళనాడు తెలుగు యువశక్తి అధ్యక్షుడు కేతిరెడ్డి జగదీశ్వర్‌రెడ్డి తెలిపారు. సోమవారం ఆయన ఒక ప్రకటన విడుదల చేశారు.

హైదరాబాద్, డిసెంబర్ 4: రాష్ట్ర వ్యాప్తంగా రైతుల నుండి పంటల కొనుగోలుకు ప్రత్యేక ప్రణాళిక రూపొందించి, అమలు చేస్తున్నామని వ్యవసాయ శాఖ కార్యదర్శి సి. పార్థసారథి తెలిపారు. కందులు తదితర పంటల ఉత్పత్తుల కొనుగోలుకు సంబంధించి నాఫెడ్, మార్క్‌ఫెడ్, హాకా, వ్యవసాయ, మార్కెటింగ్ శాఖాధికారులతో సోమవారం ఆయన సమీక్షించారు.

హైదరాబాద్, డిసెంబర్ 4: బాబ్రీ మసీదు కూల్చివేతకు నిరసనగా ఈ నెల 6వ తేదీన తెలంగాణ బంద్‌కు మజ్లీస్ బచావ్ తహరీక్ (ఎంబిటి) పిలుపునిచ్చింది. ఎంబిటి అధ్యక్షుడు మజీద్ ఉల్లా ఖాన్ సోమవారం నాడిక్కడ విలేకరుల సమావేశంలో మాట్లాడుతూ లౌకికవాదాన్ని ఎవరైతే విశ్వసిస్తారో వారంతా ఈ నెల 6న చీకటి దినంగా పాటించి బంద్‌లో పాల్గొనాలని విజ్ఞప్తి చేశారు.