భువనగిరి, అక్టోబర్ 4: రాష్ట్రంలోని ప్రభుత్వ, ప్రభుత్వ రంగ సంస్థల్లో ఖాళీగా ఉన్న ఉద్యోగాలను భర్తిచేసేందుకు క్యాలెండర్ ప్రకటించి తెలంగాణ ప్రజల ఆకాంక్షను నెరవేర్చాలని కోరేందుకే కొలువుల కొట్లాట ప్రారంభించామని రాష్ట్ర జెఎసి చైర్మెన్ ప్రొఫెసర్ కోదండరాం స్పష్టంచేశారు. బుధవారం యాదాద్రి భువనగిరి జిల్లా కేంద్రంలో జెఎసి ఏర్పాటుచేసిన కొలువుల కొట్లాట సదస్సుకు కోదండరాం ముఖ్యఅతిథిగా హాజరయ్యారు.

హైదరాబాద్, అక్టోబర్ 3: రెండు రోజుల భారీ వానలతో తెలంగాణ రాజధాని అతలాకుతలమైంది. మరో రెండు రోజులు భారీ వానలు తప్పవన్న హెచ్చరికలతో ఇటు ప్రజానీకం భయాందోళనలకు గురవుతుంటే, అటు ప్రభుత్వ యంత్రాంగం పరుగులు పెడుతోంది. రెండో రోజూ మంగళవారం గంటల వ్యవధిలో కురిసిన ఎడతెరిపిలేని వానతో రాష్ట్ర రాజధాని సహా తెలంగాణలోని అనేక ప్రాంతాల్లో జనజీవనం స్తంభించింది.

హైదరాబాద్, అక్టోబర్ 3: ఎంతో ప్రతిష్టాత్మకంగా చేపట్టిన గొర్రెల పంపిణీలో అవకతవకలు జరగకుండా చూసేందుకు టాస్క్ ఫోర్స్ కమిటీని ఏర్పాటు చేయనున్నట్లు రాష్ట్ర పశుసంవర్థక, మత్స్య, పాడిపరిశ్రమల అభివృద్ధి శాఖ మంత్రి తలసాని శ్రీనివాస్ యాదవ్ తెలిపారు.

ఆదిలాబాద్, అక్టోబర్ 2: సింగరేణి గుర్తింపు కార్మిక సంఘం ఎన్నికల్లో ప్రచార హోరు తారస్థాయికి చేరుకుంది. కార్మిక సంఘాలకు రాజకీయ రంగు పులుముకోవడంతో రాష్ట్ర నేతలంతా గనుల్లో మకాం వేసి ఓటర్లను ప్రలోభపెట్టే పనిలో నిమగ్నమయ్యారు. మంగళవారం సాయంత్రం నాటికి ప్రచార గడువు ముగియనుండడంతో కార్మిక సంఘాలు ఎత్తుకు పై ఎత్తులతో తాయిలాల ఆశలు కల్పిస్తూ ఇంటింట ప్రచారంతో దూసుకెళ్తున్నాయి.