హైదరాబాద్, సెప్టెంబర్ 24: మల్కాజ్‌గిరి రైల్వే స్టేషన్‌లో ఇప్పుడు ఉన్న సౌకర్యాలకు అదనంగా మరిన్ని వౌలిక సదుపాయాలు కల్పించాలని దక్షిణ మధ్య రైల్వే జనరల్ మేనేజర్ వినోద్‌కుమార్ యాదవ్ ఆదేశించారు. జాతీయ స్థాయిలో చేపట్టిన ‘స్వచ్ఛత హై సేవ’ కార్యక్రమంలో భాగంగా జిఎం ఆదివారం మల్కాజ్‌గిరి రైల్వే స్టేషన్‌లో శ్రమదానం నిర్వహించారు.

హైదరాబాద్, సెప్టెంబర్ 24: సింగరేణి కార్మికులెవరూ టిఆర్‌ఎస్‌ను నమ్మొద్దని, ఆ పార్టీ సంస్థను అమ్మేస్తుందని సిపిఐ తెలంగాణ రాష్ట్ర కార్యదర్శి చాడ వెంకటరెడ్డి అన్నారు. ఇతర పార్టీల ప్రజాప్రతినిధులను ప్రలోభపెట్టినట్లుగానే ఇప్పుడు సింగరేణి కార్మికుల తలలకు వెలకడుతున్నారని విమర్శించారు. ఆదివారం ఆయన ఒక ప్రకటన విడుదల చేశారు.

హైదరాబాద్, సెప్టెంబర్ 24: గురుకుల పాఠశాల విద్యార్థులకు ఆరో గ్య పరీక్షలు నిర్వహించాలని ప్రజా సంక్షేమ సంఘం రాష్ట్ర ప్రధాన కార్యదర్శి చెన్నోజు శ్రీనివాసులు ప్రభుత్వాన్ని డిమాండ్ చేశారు. భోధన విధానానికి ఏడాదికి ఆరుసార్లు పరీక్షిస్తున్న ప్రభుత్వం ఆరోగ్యం విషయంలో ఎందుకు పరీక్షించడం లేదని ప్రశ్నించారు.

హైదరాబాద్, సెప్టెంబర్ 24: బిజెపి జాతీయ నాయకుడు, కేంద్ర మాజీ మంత్రి బండారు దత్తాత్రేయ అక్టోబర్ 1న నాంపల్లిలోని ఎగ్జిబిషన్ గ్రౌండ్‌లో ‘అలయ్-బలయ్’ ఉత్సవాన్ని నిర్వహించనున్నారు. గత 13 ఏళ్ళుగా దసరా పండుగ మర్నాడు అలయ్-బలయ్ కార్యక్రమాన్ని దత్తాత్రేయ నిర్వహిస్తున్న సంగతి తెలిసిందే. పార్టీలకు అతీతంగా నిర్వహించే ఈ కార్యక్రమంలో అన్ని పార్టీల నాయకులు, వివిధ రంగాలకు చెందిన ప్రముఖులు పాల్గొంటారు.