హైదరాబాద్, సెప్టెంబర్ 21: కాళేశ్వరం ఎత్తిపోతల పథకం టనె్నల్ పనుల్లో పై కప్పు నుంచి బండరాళ్లు పడి ఏడుగురు కార్మికులు చనిపోయిన సంఘటనపై రాష్ట్ర ప్రభుత్వం జ్యుడీషియల్ విచారణ జరిపించాలని సిపిఐ తెలంగాణ రాష్ట్ర కార్యదర్శి చాడ వెంకటరెడ్డి డిమాండ్ చేశారు. మృతుల కుటుంబాలకు ఎక్స్‌గ్రేషియా కోటి రూపాయలు ప్రకటించాలని డిమాండ్ చేశారు.

హైదరాబాద్, సెప్టెంబర్ 21: రాష్ట్రప్రభుత్వం గత మూడేళ్లలో ఏం సాధించిందో ప్రజలకు ప్రోగ్రెస్ రిపోర్టు ఇవ్వాలని బిజెపి గురువారం నాడు డిమాండ్ చేసింది. శాసనమండలి బిజెపి పక్ష నేత ఎన్ రామచందర్‌రావు పాత్రికేయులతో మాట్లాడుతూ కాళేశ్వరం ఘటనపై విచారణ జరిపించాలని, అలాగే నాసిరకం చీరల కుంభకోణంపై న్యాయవిచారణ జరిపించాలని డిమాండ్ చేశారు.

హైదరాబాద్, సెప్టెంబర్ 21: ప్రొఫెసర్ కంచె ఐలయ్యపై చట్టపరమైన చర్యలు తీసుకుంటామని రాష్ట్ర హోంశాఖ మంత్రి నాయిని నర్సింహారెడ్డి అన్నారు. కంచె ఐలయ్యపై కేసులు నమోదై ఉంటే తప్పకుండా చట్టపరమైన చర్యలు తీసుకుంటామని ఆయన స్పష్టం చేశారు. గురువారం హోంమంత్రి నాయిని మీడియాతో మాట్లాడుతూ, బతుకమ్మ చీరల వివాదంపై ఆయన స్పందించారు.

హైదరాబాద్, సెప్టెంబర్ 21: రాష్ట్ర పండుగగా ప్రముఖ స్వాతంత్య్ర సమరయోధుడు కొండా లక్ష్మణ్ బాపూజీ జయంతిని (ఈ నెల 27న) నిర్వహించాలని రాష్ట్ర ప్రభుత్వం నిర్ణయించింది. ఈ మేరకు ప్రభుత్వ ప్రధాన కార్యదర్శి ఎస్‌పి సింగ్ పేరుతో గురువారం జీఓ జారీ అంది.