సుల్తానాబాద్, సెప్టెంబర్ 1: అన్నదాతల సంక్షేమానికి ప్రభుత్వం పెద్దపీట వేసిందని, రైతాంగం ఇకనుండి భరోసాతో బతికేందుకు సమన్వయ కమిటీలు ఏర్పాటు చేస్తుందని రాష్ట్ర ఆర్థిక శాఖ మంత్రి ఈటల రాజేందర్ అన్నారు. శుక్రవారం పెద్దపల్లి జిల్లా సుల్తానాబాద్ మండలం ఐతురాజుపల్లి గ్రామంలో సర్పంచ్ కల్వల లావణ్య అధ్యక్షతన జరిగిన సమావేశంలో రైతు సమన్వయ కమిటీల ఏర్పాటుకు మంత్రి శ్రీకారం చుట్టారు.

కోనరావుపేట, సెప్టెంబర్ 1: కోనరావుపేట మండలం నాగారం గ్రామానికి శనివారం వస్తున్న మహారాష్ట్ర గవర్నర్ చెన్నమనేని విద్యాసాగర్‌రావు పర్యటనకు భారీ బందోబస్తు నిర్వహిస్తున్నట్టు వేములవాడ డిఎస్పీ ఎ.చంద్రశేఖర్ వెల్లడించారు. శుక్రవారం నాగారంలో ఏర్పాటు చేసిన విలేఖరుల సమావేశంలో మాట్లాడుతూ నలుగురు సిఐలు, 12 మంది ఎస్సైలు, 250 మంది పోలీసు అధికారులతో బందోబస్తు నిర్వహిస్తున్నట్టు తెలిపారు.

హైదరాబాద్, సెప్టెంబర్ 1: మిలిటరీ కాలేజ్ ఆఫ్ ఎలక్ట్రానిక్స్ అండ్ మెకానికల్ ఇంజినీరింగ్ (ఎంసిఈఎంఈ) కమాండెంట్‌గా లెఫ్టనెంట్ జనరల్ పరంజీత్ సింగ్ శుక్రవారం సికింద్రాబాద్‌లోని కార్యాలయంలో బాధ్యతలు స్వీకరించారు. ఈ స్థానంలో పని చేస్తున్న లెఫ్టనెంట్ జనరల్ కెకె అగర్వాల్ ఢిల్లీలోని ఇంటిగ్రేటెడ్ హెడ్‌క్వార్టర్‌లో ఎలక్ట్రానిక్స్ అండ్ మెకానికల్ ఇంజినీరింగ్ విభాగం డైరక్టర్ జనరల్‌గా నియమితులయ్యారు.

హైదరాబాద్, సెప్టెంబర్ 1: తెలంగాణ విమోచన యాత్ర ద్వారా ప్రజల్లో చైతన్యం తీసుకువస్తామని, రజాకర్ల వారసత్వంతో పుట్టిన ఎంఐఎం పార్టీ కబంధ హస్తాలలో చిక్కుకున్న టిఆర్‌ఎస్ ప్రభుత్వాన్ని విముక్తి చేయడానికి నిర్వహిస్తున్న యాత్రకు అంతా కలిసి రావాలని బిజెపి రాష్ట్ర అధ్యక్షుడు కె లక్ష్మణ్ పిలుపునిచ్చారు. ప్రభుత్వం గద్దె దిగేరోజు దగ్గరపడిందని అన్నారు.