హైదరాబాద్, సెప్టెంబర్ 1: ప్రాజెక్టుల డిజైన్ ఆమోదానికి జాప్యం చేయకుండా ఉండేందుకు నిర్ణీత గడువు విధించాలని అసెంబ్లీ పబ్లిక్ అకౌంట్స్ కమిటీ (పిఎసి) రాష్ట్ర ప్రభుత్వానికి సిఫార్సు చేసింది. ఏ ప్రాజెక్టు చేపట్టినా సాగుతో పాటు తాగు నీటికీ ప్రాధాన్యం ఇవ్వాలని కమిటీ సూచించింది. శుక్రవారం పిఎసి చైర్మన్, మాజీ మంత్రి డాక్టర్ జె. గీతారెడ్డి అధ్యక్షతన అసెంబ్లీ కమిటీ హాలులో కమిటీ సమావేశం జరిగింది.

హైదరాబాద్, సెప్టెంబర్ 1: బక్రీదు (ఈద్-ఉల్-జుహ) సందర్భంగా రాష్ట్ర గవర్నర్ ఇఎస్‌ఎల్ నరసింహన్, ముఖ్యమంత్రి కె. చంద్రశేఖర్ రావు ముస్లింలకు శుభాకాంక్షలు తెలిపారు. ఈ పండుగ త్యాగానికి ప్రతీక అని గవర్నర్ నరసింహన్ తన సందేశంలో పేర్కొన్నారు. శాంతి, సౌభాగ్యాలతో హాయిగా జీవించాలని ముఖ్యమంత్రి కె. చంద్రశేఖర్ రావు తెలిపారు. టి.పిసిసి అధ్యక్షుడు ఎన్. ఉత్తమ్‌కుమార్ రెడ్డి, తెలంగాణ అసెంబ్లీలో ప్రతిపక్ష నేత కె.

హైదరాబాద్, సెప్టెంబర్ 1: తెలంగాణ సదరన్ డిస్కాం కార్యాలయంలో పదోన్నతుల వివాదంపై తెలంగాణ విద్యుత్ ఇంజనీర్లు ఆందోళనను రెండవ రోజు కూడా కొనసాగించారు. ఈ సందర్భంగా ఇంజనీర్ల సంఘం అధ్యక్షుడు శివాజీ మాట్లాడుతూ పదోన్నతులు ఇచ్చినట్లే ఇచ్చి మళ్లీ రివర్షన్ ఆదేశాలు ఇవ్వడం వల్ల ఏళ్లతరబడి ఇంజనీర్లుగా పనిచేస్తున్న తమకు తీవ్రమైన అన్యాయం జరిగిందన్నారు. తాము చేపట్టిన దీక్షలను కొనసాగిస్తామన్నారు.

నిజామాబాద్, ఆగస్టు 31: తీవ్ర వర్షాభావ పరిస్థితుల నడుమ కనీసం ప్రస్తుత ఖరీఫ్ సీజన్‌కైనా సాగు జలాలు అందుతాయో, లేదోననే సంశయంతో కొట్టుమిట్టాడిన ఆయకట్టు రైతాంగానికి శ్రీరాంసాగర్ ప్రాజెక్టు ఎనలేని భరోసాను అందిస్తూ వడివడిగా నీటి నిల్వలను సంతరించుకుంటోంది. కొంత ఆలస్యంగానైనా ఎగువ ప్రాంతాల నుండి గత రెండుమూడు వారాలుగా ఇన్‌ఫ్లో నిలకడగా కొనసాగుతుండడంతో ఎస్సారెస్పీలో నీటిమట్టం గణనీయంగా పెరుగుతోంది.