వేములపల్లి, ఆగస్టు 31: బీరు సీసాల లోడ్‌తో వెళ్తున్న డిసిఎం వ్యాన్ బోల్తాపడింది. ఈ సంఘటన గురువారం నల్లగొండ జిల్లా వేములపల్లి మండలం శెట్టిపాలెం శివారులో చోటుచేసుకుంది. పోలీసులు తెలిపిన వివరాల ప్రకారం... నల్లగొండ నుండి హుజూర్‌నగర్‌కు 345 బీరు కాటన్లను లోడ్ చేసుకోని శెట్టిపాలెం సమీపంలోని మూలమలుపు వద్ద యూటర్న్ తీసుకుంటుండగా బోల్తాపడింది. డిసిఎం వ్యాన్ అతివేగంగా వెళ్తుండడంతో బోల్తాపడింది.

హైదరాబాద్, ఆగస్టు 31:ఎంసిఐ నిబంధనల ప్రకారం ఇక వైద్యులు, సిబ్బంది తప్పని సరిగా సమయపాలన పాటించాలని, బయో మెట్రిక్ విధానం అమలు చేస్తామని వైద్య ఆరోగ్య శాఖ మంత్రి డాక్టర్ సి లక్ష్మారెడ్డి తెలిపారు. నిర్ణీత సమయాల్లో వైద్య శాలల్లో లేని వారిపై చర్యలు తీసుకుంటామని, దానికి వారిదే బాధ్యత అని మంత్రి హెచ్చరించారు. గురువారం తన చాంబర్‌లో వైద్య శాఖపై మంత్రి లక్ష్మారెడ్డి సమీక్షించారు.

హైదరాబాద్, ఆగస్టు 31: ప్రత్యేకంగా డిఫెన్స్ రంగం కోసం స్టార్టప్ ఇంక్యుబెటర్‌ను ప్రారంభించనున్నట్టు ఐటి, పరిశ్రమల శాఖ మంత్రి కె తారక రామారావు తెలిపారు. కేంద్ర రక్షణ శాఖ సైంటిఫిక్ అడ్వయిజర్‌తో ఈ అంశంపై అనేక సార్లు చర్చించినట్టు చెప్పారు. కేంద్ర ప్రభుత్వ సహకారంతో ఈ స్టార్టప్‌ను ప్రారంభించనున్నట్టు తెలిపారు.

హైదరాబాద్, ఆగస్టు 31: తెలంగాణ రాష్ట్ర సదరన్ పవర్ డిస్ట్రిబ్యూషన్ కంపెనీలో పని చేస్తున్న ఇంజినీర్లు మెరుపుసమ్మెకు దిగారు. గతంలో తమకు ఇచ్చిన పదోన్నతులను రద్దు చేస్తూ డిస్కమ్ జారీ చేసిన ఉత్తర్వులకు నిరసనగా నిరవధిక నిరాహార దీక్ష చేపట్టారు. గురువారం రాత్రి పొద్దుపోయిన తర్వాత డిస్కమ్ సిఎండి కార్యాలయం వద్ద ఈ నిరాహార దీక్ష చేపట్టారు.