హైదరాబాద్, ఆగస్టు 17: మీసల్స్- రూబెల్లా టీకాలనును రాష్ట్రంలో కోటి వ్యాక్సిన్ డోసులు పంపిణీ చేయనున్నట్టు వైద్య ఆరోగ్య శాఖ మంత్రి సి లక్ష్మారెడ్డి తెలిపారు. తొమ్మిది నెలల నుంచి 15 ఏళ్ల పిల్లలు అందరికీ టీకాలు వేయించనున్నట్టు చెప్పారు.గురువారం టీకాలు వేయడాన్ని ప్రారంభించిన మంత్రి ఐదు వారాల పాటు రాష్ట్ర వ్యాప్తంగా వేయనున్నట్టు చెప్పారు.

హైదరాబాద్, ఆగస్టు 17 : ఉస్మానియా యూనివర్శిటీ పనితీరుపై తొలి రోజు నేషనల్ అసెస్‌మెంట్ అండ్ అక్రిడిటేషన్ (నేక్) బృందం పెదవి విరిచింది. నేక్ గుర్తింపు కోసం గురువారం ఉదయం యూనివర్శిటీని సందర్శించిన బృందం వర్శిటీలోని వివిధ ఫ్యాకల్టీలను సందర్శించింది. ఈ సందర్భంగా కొన్ని ఫ్యాకల్టీల్లో పనితీరుపై నేక్ బృందం సభ్యులు పెదవివిరిచారు.

హైదరాబాద్, ఆగస్టు 17: ఇప్పటి వరకు ఉన్న చట్టాలన్నీ వ్యవసాయ భూముల యజమానులకు ఉపయోగపడే విధంగా మాత్రమే ఉన్నందున కౌలు రైతుల ప్రయోజనాలను కాపాడేందుకు కొత్త చట్టం తేవాలని తెలంగాణ ప్రభుత్వం యోచిస్తోంది. ఇందుకు కేంద్ర వ్యవసాయ భూమి కౌలు హక్కు చట్టం 2016 తరహాలో తేవాలని ప్రభుత్వం భావిస్తోంది. ఈ దిశగా రాష్ట్ర ప్రభుత్వం కసరత్తు ప్రారంభించింది.

హైదరాబాద్, ఆగస్టు 17: ప్రధాని నరేంద్రమోదీ స్వచ్ఛ్భారత్ మిషన్‌ను గ్రామస్థాయి వరకూ తీసుకువెళ్లారని కేంద్ర రైల్వేశాఖా సహాయ మంత్రి రాజెన్ గోహైన్ అన్నారు. గురువారం నాడు ఆయన సికింద్రాబాద్ రైల్వేస్టేషన్‌లో స్వచ్ఛ భారత్- స్వచ్ఛ రైల్ కార్యక్రమంలో పాల్గొన్నారు. అనంతరం ఆయన మాట్లాడుతూ స్వచ్ఛ భారత్ మిషన్‌ను దక్షిణ మధ్య రైల్వే అధికారులు చక్కగా అమలుచేస్తున్నారని ఆయన ప్రశంసించారు.