హైదరాబాద్, ఆగస్టు 14: గ్రామ రెవెన్యూ వ్యవస్థను రద్దు చేసి, వ్యవసాయ శాఖలో విలీనం చేసే దిశగా రాష్ట్ర ప్రభుత్వం చేస్తున్న ప్రయత్నాలను సిపిఎం రాష్ట్ర కార్యదర్శి తమ్మినేని వీరభద్రం తీవ్రంగా ఖండించారు. ప్రభుత్వం తక్షణమే ఈ ప్రతిపాదనను విరమించుకోవాలని డిమాండ్ చేశారు. దేశ జనాభాలో 62శాతం మంది గ్రామీణ ప్రాంతాల్లో నివసిస్తున్నందున ఈ ఆలోచన సరైనది కాదని అన్నారు. సోమవారం ఆయన ఒక ప్రకటన విడుదల చేశారు.

హైదరాబాద్, ఆగస్టు 14: సైబరాబాద్ కమిషనరేట్ పరిధిలోని మియాపూర్‌లో సోమవారం సాయంత్రం భారీ పేలుడు సంభవించింది. డంపింగ్ యార్డులో జరిగిన పేలుడు ధాటికి ఓ గేదె తల తెగిపడింది. ఒక్కసారిగా భారీ శబ్దంతో పేలుడు జరగడంతో సమీప ప్రాంతాల ప్రజలు భయాందోళనకు గురయ్యారు. పేలుడు సమాచారం అందుకున్న మియాపూర్ ఏసీపీ, సీఐ హరిశ్చంద్రారెడ్డి, క్లూస్ టీంతో సంఘటనాస్థలానికి చేరుకున్నారు.

హైదరాబాద్, ఆగస్టు 14: వచ్చే నెలలో తెలంగాణ కాంగ్రెస్ పార్టీలో భారీ మార్పులు ఉంటాయని ఎఐసిసి కార్యదర్శి, పార్టీ రాష్ట్ర వ్యవహారాల ఇన్‌ఛార్జి ఆర్‌సి కుంతియా తెలిపారు. పార్టీ రాష్ట్ర వ్యవహారాల ఇన్‌ఛార్జిగా నియమితులైన ఆర్‌సి కుంతియా సోమవారం మీడియాతో కొంత సేపు ఇష్టాగోష్టిగా మాట్లాడారు. తెలంగాణ ప్రజలు కాంగ్రెస్ పార్టీ వైపు చూస్తున్నారని అన్నారు. ప్రజలను ఆదుకునేది కాంగ్రెస్ ఒక్కటేనని ఆయన తెలిపారు.

న్యూఢిల్లీ, ఆగస్టు 14: తెలంగాణలో ముదిరాజ్ కులస్తులను బీసీ-ఏ జాబితాలోకి చేర్చే అంశంపై దాఖలైన కేసు విచారణ సుప్రీంకోర్టులో వాయిదా పడింది. ముదిరాజ్ కులాన్ని 2009లో బీసీ-డీ జాబితా నుండి బీసీ-ఏ జాబితాలోకి చేర్చుతూ అప్పటి ప్రభుత్వం నిర్ణయం తీసుకుంది. దీన్ని సవాల్ చేస్తూ పలు కుల సంఘాలు హైకోర్టును ఆశ్రయించగా, ప్రభుత్వం జారీ చేసిన ఉత్తర్వులను హైకోర్టు తోసిపుచ్చింది.