హైదరాబాద్, జూలై 4: వర్షాకాలం రావడంతో సీజనల్ జ్వరాలు విజృంభిస్తున్నాయి. రాష్ట్రంలో అన్ని ప్రభుత్వ, ప్రైవేట్ ఆసుపత్రులు జ్వర పీడితులతో కిటకిటలాడుతున్నాయి. దోమల వల్ల వ్యాప్తి చెందే మలేరియా, చికెన్‌గున్యా, డెంగ్యూ తదితర జ్వరాలపై రాష్ట్రప్రభుత్వం అన్ని ప్రభుత్వాసుపత్రులు, బోధనాసుపత్రుల్లో అప్రమత్తత ప్రకటించింది. ఈ విషయమై రాష్ట్ర వైద్య ఆరోగ్య శాఖ వైద్యులకు ఆదేశాలు జారీ చేసింది.

హైదరాబాద్, జూలై 4: తెలంగాణ రాష్ట్రంలో నైరుతీరుతుపవనాలు మరింత బలహీన పడ్డాయి. జూన్ రెండోపక్షంలో నైరుతీరుతుపవనాలు బలంగా ఉండటంతో చాలా ప్రాంతాల్లో భారీ వర్షాలు కురిశాయి. గత రెండు రోజుల నుండి రుతుపవనాలు బలహీన పడుతూ వస్తున్నాయి. గత 24 గంటల్లో అక్కడక్కడా కొద్దిపాటి వర్షాలు కురిశాయి.

పెద్దపల్లి రూరల్, జూలై 3: ఓ సర్పంచ్ భర్త తరచూ తనను లైంగిక వేధింపులకు గురిచేస్తుండడాన్ని ఆమె సహించ లేకపోయింది. ఎంతోకాలం వౌనం వహించిన ఆమె చివరకు చెప్పుతో అతనిని కొట్టి తన ఆగ్రహాన్ని వెళ్లగక్కింది. అంతేకాకుండా ఆ వెంటనే పోలీసు స్టేషన్‌కు వెళ్లి తనను లైంగికంగా వేధిస్తున్నందుకు అతనిపై ఫిర్యాదు చేసింది. గ్రామస్తులు, పోలీసుల కథనం ప్రకారం వివరాలు ఇలా ఉన్నాయి.

నిజామాబాద్, జూలై 3: సుమారు ఇరవై అడుగుల ఎత్తు ఉన్న విద్యుత్ స్తంభం పైకి ఎక్కిన ఓ చిరుత పులి కరెంటు తీగల్లో చిక్కుకుని విద్యుదాఘాతంతో మృతి చెందిన అనూహ్య సంఘటన నిజామాబాద్ జిల్లా మల్లారం అటవీ ప్రాంతంలో చోటుచేసుకుంది. సోమవారం ఉదయం ఈ సంఘటన వెలుగులోకి వచ్చింది. ఆదివారం సాయంత్రం మల్లారంలోని వాగు వద్దకు నీళ్లు తాగేందుకు వచ్చిన చిరుతపులి దానికి సమీపంలోనే ఉన్న కరెంటు స్తంభం పైకి ఎక్కింది.