హైదరాబాద్, జూన్ 23: సింగరేణి కార్మికులు వారసత్వ ఉద్యోగాల కోసం మూడు నెలలుగా చేస్తున్న సమ్మెకు ఇంటి పార్టీ అధ్యక్షుడు డాక్టర్ చెరుకు సుధాకర్ మద్దతు ప్రకటించారు. హెచ్‌ఎంఎస్ కార్మిక సంఘం నాయకుడు రియాజ్ అహ్మద్ అధ్వర్యంలో శుక్రవారం డిప్యూటీ చీఫ్ లేబర్ కమిషనర్ ఆఫీసు ముందు జరిగిన ధర్నాలో డాక్టర్ చెరుకు సుధాకర్ పాల్గొని మద్దతు పలికారు.

హైదరాబాద్, జూన్ 23: తెలంగాణ రాష్ట్రంలో వేల కోట్ల భూ కుంభకోణానికి ప్రణాళికా బద్దంగానే పథక రచన జరిగిందని, దీని వెనుక సిఎం కెసిఆర్ పాత్రపై పలు ఆరోపణలు వస్తున్న నేపధ్యంలో ఆయన శీల పరీక్షకు నిలవాల్సిందేనని టిటిడిపి వర్కింగ్ ప్రెసిడెంట్ ఎ.రేవంత్‌రెడ్డి స్పష్టం చేశారు. మియాపూర్ భూ కుంభకోణంలో రెండు సర్వే నెంబర్లలోని 123 ఎకరాల భూముల విషయాన్ని ఎందుకు దాచిపెడుతున్నారో చెప్పాలని ఆయన కెసిఆర్‌ను నిలదీశారు.

హైదరాబాద్, జూన్ 23: పాస్‌పోర్టుల జారీలో భాగంగా త్వరగా పోలీసు వెరిఫికేషన్ ప్రక్రియ చేపట్టడంలో ముందున్నందుకు తెలంగాణ పోలీసు శాఖకు కేంద్ర విదేశీ వ్యవహారాల శాఖ గుర్తింపు ప త్రం లభించింది. ఢిల్లీలో జరిగిన పాస్‌పోర్టు సేవా దివస్ కార్యక్రమంలో విదేశీ వ్యవహారాల మంత్రి సుష్మా స్వరాజ్ చేతుల మీదుగా హైదరాబాద్ పోలీసు కమిషనర్ మహేందర్‌రెడ్డి స్వీకరించారు.

హైదరాబాద్, జూన్ 23: ఆంధ్రప్రదేశ్ రాజధాని అమరావతిలో ‘తెలుగు వారి జ్ఞాపకం’ పేరుతో స్వర్గీయ నందమూరి తారక రామారావు మ్యూజియంను నిర్మించాలని ఎన్‌టిఆర్ ట్రస్ట్ సంకల్పించిందని ట్రస్ట్ సిఈఓ టి.విష్ణువర్థన్ తెలిపారు. దీనిలో భాగంగా ఎన్టీఆర్ విగ్రహాలను తయారు చేసేందుకు తెలుగు రాష్ట్రాల్లోని ప్రతిభ కలిగిన శిల్ప కళాకారులకు అవకాశం ఇవ్వాలని ట్రస్ట్ భావిస్తోందని ఆయన ఒక ప్రకటనలో వెల్లడించారు.