న్యూఢిల్లీ, ఏప్రిల్ 30: స్కైవేల నిర్మాణాలకు హైదరాబాద్‌లో అవసరమైన 100 ఎకరాల రక్షణ భూమిని తెలంగాణకు కేటాయించాలని మంత్రి కె.తారకరామారావు కేంద్రానికి మరోసారి విజ్ఞప్తి చేశారు. ఆదివారం తెలంగాణ ఐటి, పంచాయతీరాజ్ శాఖ మంత్రి కెటిఆర్, ఎంపీలు జీతేందర్‌రెడ్డి, వినోద్ కుమార్‌లు కేంద్ర ఆర్థిక, రక్షణశాఖ మంత్రి అరుణ్ జైట్లీని కలిశారు.

సిద్దిపేట, ఏప్రిల్ 30 : సిద్దిపేట పోలీసు కమిషనరేట్ పోలీసులు ఆక్రమ ఆయుధాలు కలిగిన నల్గురు వ్యక్తులను ఆదుపులోకి తీసుకుని, మూడు తుపాకులు స్వాధీనం చేసుకొని విచారణ జరుపుతున్నారు. నల్గొండ జిల్లా నకిరేకల్ ఎమ్మెల్యే సోదరుడు రాంచందర్, మరో వ్యక్తిని సిద్దిపేట పోలీసులు అదుపులోకి తీసుకోవడంతో పాటు, తుపాకీని స్వాధీనం చేసుకున్నట్లు సమాచారం.

హైదరాబాద్, ఏప్రిల్ 30: ‘్భరత్ బాహుబలి మోదీయే..’ అని కేంద్ర పట్టణాభివృద్ధి శాఖ మంత్రి ఎం. వెంకయ్య నాయుడు అన్నారు. తాను బాహుబలి సినిమాను చూశానని, సినిమా అద్భుతంగా ఉందని ఆయన ఆదివారం విలేఖరుల సమావేశంలో తెలిపారు. కాంగ్రెస్‌ను కాపాడేందుకు బాహుబలి వస్తున్నాడంటూ తెలంగాణ కాంగ్రెస్ నాయకుడు, సిఎల్‌పి నేత కె.జానారెడ్డి చేసిన వ్యాఖ్యలను ఓ విలేఖరి ప్రస్తావించగా, ఆయన నవ్వుతూ తేలిగ్గా తోసిపుచ్చారు.

ఖమ్మం, ఏప్రిల్ 29: మిర్చి రైతుకు గిట్టుబాటు ధర కల్పించాలంటూ జరుగుతున్న ఆందోళనలకు అన్ని రాజకీయ పార్టీలు మద్దతు ఇవ్వడంతో శనివారం ఖమ్మం జిల్లాలో పోలీసుల నిర్బంధం కొనసాగింది. జిల్లాలోకి వచ్చిన పార్టీల నేతలను వారి కార్యాలయాల నుంచి బయటకు రాగానే అదుపులోకి తీసుకున్న పోలీసులు మరికొంత మందిని జిల్లా సరిహద్దులోనే అదుపులోకి తీసుకొని సమీపంలోని పోలీస్‌స్టేషన్లకు తరలించారు.