ఖమ్మం, ఏప్రిల్ 5: కలియుగ వైకుంఠంగా భాసిల్లుతున్న భద్రాద్రి కొత్తగూడెం జిల్లాలోని భద్రాచలం క్షేత్రంలో చలువ పందిళ్లు, వేదపండితుల మంత్రోచ్ఛారణల మధ్య సీతారాముల కల్యాణ మహోత్సవం బుధవారం అంగరంగ వైభవంగా సాగింది. కన్నులపండువగా జరిగిన కల్యాణాన్ని భక్తులు తిలకించి పులకించారు. వేదమంత్రాల మధ్య కల్యాణ రాముడు సీతమ్మ మెడలో జనక, దశరథ, రామదాసులు తయారు చేయించిన మూడు మంగళసూత్రాలతో మాంగల్యధారణ చేశారు.

హైదరాబాద్, ఏప్రిల్ 4: యావత్ దేశానికే మిషన్ కాకతీయ మోడల్‌గా నిలుస్తుందని, మిషన్ కాకతీయ వల్ల తెలంగాణతో దేశానికి అనుసంధానం అయిందని కేంద్ర జల సంఘం చీఫ్ ఇంజనీర్ సికెఎల్ దాస్ అభిప్రాయం వ్యక్తం చేశారు. కేంద్ర జల సంఘం ఆధ్వర్యంలో వివిధ రాష్ట్రాలకు చెందిన ఇంజనీర్ల బృందం రాష్ట్రంలో మిషన్ కాకతీయ పథకం అమలును అధ్యయనం చేశారు. అనంతరం నీటిపారుదల శాఖ మంత్రి తన్నీరు హరీశ్‌రావుతో మంగళవారం సమావేశం అయ్యారు.

హైదరాబాద్, ఏప్రిల్ 4: రాజకీయాల్లో నైతికత చాలా ముఖ్యమని కేంద్ర కార్మిక మంత్రి బండారు దత్తాత్రేయ పేర్కొన్నారు. తెలంగాణలో బిజెపికి అనుకూల వాతావరణం ఏర్పడిందని, ఇక్కత తమ ప్రయోగం విజయవంతం అవుతుందని అన్నారు. మంగళవారం నాడిక్కడ ఆయన పాత్రికేయులతో మాట్లాడుతూ దక్షిణాదిన కూడా పార్టీ బలోపేతానికి బిజెపి అధిష్టానం దృష్టిపెట్టిందని అన్నారు.

హైదరాబాద్, ఏప్రిల్ 4: ప్రాజెక్టులు నిర్మించాలని రంగారెడ్డి జిల్లా కాంగ్రెస్ నాయకులు పాదయాత్ర చేస్తారు, ప్రాజెక్టులు నిలిపివేయాలని మహబూబ్‌నగర్ జిల్లా కాంగ్రెస్ నాయకులు కోర్టులకు వెళతారు కాంగ్రెస్ నాయకులది ద్వంద్వ నీతి అని టిఆర్‌ఎస్ ఎమ్మెల్సీలు ధ్వజమెత్తారు. కర్నె ప్రభాకర్, చింతా ప్రభాకర్‌లు మంగళవారం విలేఖరుల సమావేశంలో మాట్లాడారు.