హైదరాబాద్, మార్చి 30:స్ర్తి నిధి ద్వారా ఈ సంవత్సరం 1810 కోట్ల రూపాయల వరకు రుణాలు మంజూ రు చేయాలని గురువారం జరిగిన సర్వ సభ్య సమావేశంలో నిర్ణయించారు. పంచాయితీరాజ్, గ్రామీణాభివృద్ధి శాఖ మంత్రి జూపల్లి కృష్ణారావు సమావేశంలో పాల్గొన్నారు. 1810 కోట్ల వార్షిక ప్రణాళికకు సమావేశంలో ఆమోదం తెలిపారు. గత సంవత్సరం వచ్చిన లాభంతో మూడు కోట్ల, 48 లక్షల, 16వేల రూపాయల డివిడెండ్‌ను ప్రభుత్వ డివిడెండ్‌గా ఇచ్చారు.

హైదరాబాద్, మార్చి 30: వైద్యుల నిర్లక్ష్యంతోనే ఓ గిరిజన బాలుడు మృతి చెందాడని, చనిపోయిన బాలుడి మృతదేహానికి చికిత్స చేశారంటూ గురువారం లక్డికాపూల్‌లోని లోటస్ ఆసుపత్రిపై బాధిత కుటుంబీకులు దాడి చేశారు. ఆసుపత్రి అద్దాలను పగులగొట్టి ఫర్నిచర్ ధ్వంసం చేశారు. వైద్యుల నిర్లక్ష్యం వల్లే 16ఏళ్ల బాలుడు మృతి చెందాడని ఆరోపించారు. తమకు న్యాయం చేయాలంటూ ఆసుపత్రి ఎదుట ధర్నాకు దిగారు.

హైదరాబాద్, మార్చి 30 : న్యాయస్థానాల్లో కోర్టు విచారణ సందర్భంగా కేవలం డాక్యుమెంట్లే ఆధారం కాదని, కేసు పూర్వపరాలతో పాటు లోతైన అధ్యయనం అవసరమని న్యాయవాదులు గుర్తించాలని భారత లా కమిషన్ చైర్మన్ జస్టిస్ బి ఎస్ చౌహాన్ అన్నారు. ప్రపంచీకరణ ముప్పును అర్ధం చేసుకుని విదేశీ న్యాయవాదుల నుండి ఎదురయ్యే పోటీని తట్టుకునే రీతిలో న్యాయ విద్య సందర్భంగానే నైపుణ్యాన్ని పొందాలని ఆయన సూచించారు.

హైదరాబాద్, మార్చి 30: నిరుద్యో గ యువతకు నైపుణ్య శిక్షణ ఇచేందుకు బెంగళూరు ఇండియన్ ఇన్‌స్టిట్యూట్ ఆఫ్ సైన్స్‌స్ (ఐఐఎస్‌సి)తో భారత్ డైనమిక్స్ లిమిటెడ్ (బిడిఎల్) అవగాహన ఒప్పందం కుదుర్చుకుంది. ఇందుకోసం కోటి రూపాయల విరాళాన్ని కూడా బిడిఎల్ అందజేయనుంది. సోలార్ పివి, సిఎస్‌పి ఆధారిత ట్రైనింగ్, స్మార్ట్ మైక్రోగ్రిడ్‌ట్రైనింగ్‌ను యువతకు ఐఐఎస్‌సి అందించనుంది.