సిద్దిపేట రూరల్, ఫిబ్రవరి 12: ఉచిత వైఫై గ్రామంగా ఇబ్రహీంపూర్‌ను తీర్చిదిద్దినట్లు తెలంగాణ నీటి పారుదలశాఖమంత్రి హరీశ్‌రావు అన్నారు. మండలంలోని ఇబ్రహీంపూర్‌లో ఆదివారం సాయంత్రం పంచాయతీ భవనం, అభివృద్ధి పనులను ప్రారంభించారు. ఈ సందర్భంగా మాట్లాడుతూ మొదటిసారిగా ఉచిత వైఫై గ్రామంగా ఇబ్రహీంపూర్‌లో సేవలందిస్తున్నట్లు తెలిపారు. వైఫైతో గ్రామంలో యువతకు అధునాతన టెక్నాలజీ అందిస్తున్నామన్నారు.

హైదరాబాద్, ఫిబ్రవరి 12: హైదరాబాద్ పరిసరాలు, జలాశయాల పరిరక్షణకు మూడు దశాబ్దాల క్రితం ఉమ్మడి ఆంధ్రప్రదేశ్‌లో జారీ చేసిన 111 జీవో భవిష్యత్తుపై సర్వత్రా ఉత్కంఠ నెలకొంది. ఈ జీవోను ప్రభుత్వం సడలిస్తే పర్యావరణ విధ్వంసం జరుగుతుందని మానవ హక్కుల పరిరక్షణ సంఘాలు వాదిస్తుంటే, మరో వైపు అక్రమ నిర్మాణాలు చేపట్టిన ప్రజలు మాత్రం జీవోలోని నిబంధనలు గుదిబండలా తయారయ్యాయంటున్నారు.

హైదరాబాద్, ఫిబ్రవరి 12: పార్లమెంటులో మహిళలకు 33 శాతం రిజర్వేషన్లు కల్పించాలని భారత జాతీయ మహిళా సమాఖ్య జాతీయ నాయకురాలు అరుట్ల సుశీలాదేవి కేంద్ర ప్రభుత్వాన్ని డిమాండ్ చేశారు. మహిళలకు రిజర్వేషన్లు కల్పించే ఉద్దేశం కేంద్ర ప్రభుత్వానికి లేదన్నట్లు వ్యవహరిస్తోందని అన్నారు. ఆదివారం నాడిక్కడ ఎఐటియుసి కేంద్ర కార్యాలయం వద్ద జరిగిన సమావేశంలో ఆమె మాట్లాడారు.

వరంగల్, ఫిబ్రవరి 11: స్వచ్ఛ సర్వేక్షణ్-2017 సర్వేలో భాగంగా సిటిజన్ ఫీడ్‌బ్యాక్ కేటగిరిలో గ్రేటర్ వరంగల్ నగరం దేశవ్యాప్తంగా తన సత్తా చాటుతోంది. మొదటి పదిస్థానాల్లో తన స్థానాన్ని నిలబెట్టుకునే దిశగా ప్రయత్నాలు చేస్తోంది. ఇప్పటికే స్వచ్ఛత యాప్‌లో దేశవ్యాప్తంగా పాల్గొన్న 500 నగరాలలో వరంగల్ 42వ స్థానంలో నిలచింది.