హైదరాబాద్, జనవరి 9: కాళేశ్వరం ప్రాజెక్టు నుంచి అక్టోబర్ కల్లా నీరు విడుదల చేసే లక్ష్యంగా పనులను వేగవంతం చేయాలని అధికారులు, కాంట్రాక్టు సంస్థలను నీటిపారుదలశాఖ మంత్రి టి.హరీశ్‌రావు ఆదేశించారు. ఈ ప్రాజెక్టును వీలైనంత త్వరగా పూర్తిచేసి ఆసియాలోనే రికార్డు నెలకొల్పాలని మంత్రి అధికారులకు సూచించారు. బ్యారేజీలు, పంపుహౌజ్‌ల డిజైన్లను వెంటనే సమర్పించాలని సెంట్రల్ డిజైనింగ్ విభాగాన్ని మంత్రి ఆదేశించారు.

హైదరాబాద్, జనవరి 9: దేశవ్యాప్తంగా ఉన్న 20 ఇండియన్ ఇనిస్టిట్యూట్ ఆఫ్ మేనేజిమెంట్ సంస్థల్లో ప్రవేశానికి నిర్వహించే అర్హత పరీక్ష ‘కామన్ అడ్మిషన్ టెస్టు’ (క్యాట్) ఫలితాలను నిర్వాహక సంస్థ బెంగళూరు ఐఐఎం సోమవారం సాయంత్రం విడుదల చేసింది. దేశవ్యాప్తంగా 138 నగరాల్లో నిర్వహించిన ఈ పరీక్షకు 2,32,434 మంది రిజిస్టర్ చేసుకోగా, అందులో 1.95 లక్షలు అర్హత సాధించారు.

హైదరాబాద్/గచ్చిబౌలి, జనవరి 9: ఉద్యోగాలు, బ్యాంకు అధికారుల మంటూ మోసాలకు పాల్పడుతున్న నేరగాళ్ల పట్ల అప్రమత్తంగా ఉండాలని రాచకొండ పోలీస్ కమిషనర్ మహేష్ ఎం భగవత్ సూచించారు. సైబర్ నేరాలపై అప్రమత్తత అవసరమని, ఈనేరాలపై ప్రజలకు అవగాహన కల్పించాల్సిన అవసరం ఎంతైనా ఉందన్నారు.

హైదరాబాద్, జనవరి 9: దేశంలో ఇపిఎఫ్ ఖాతాదారులు ఆధార్‌తో అనుసంధానం కావలసిందేనని కేంద్ర కార్మిక మంత్రి బండారుదత్తాత్రేయ పేర్కొన్నారు. సోమవారం సాయం త్రం ఆయన విలేఖరులతో మాట్లాడుతూ మార్చి 31లోగా ఈ ప్రక్రియను పూర్తి చేయాలని ఖాతాదారులను, సంస్థలను కోరామన్నారు. 4.30 కోట్ల మంది ఇపిఎఫ్ ఖాతాదారులున్నారని, 50 లక్షల మంది పెన్షనర్లు ఉన్నారని వివరించారు.